ჯანდაცვის მინისტრის, ეკატერინე ტიკარაძის განცხადებით, გაახალგაზრდავებულია ჰოსპიტალში მოხვედრილი პაციენტების ასაკი. მისივე თქმით, სტაციონარში მოხვედრილი პაციენტები უფრო მძიმე ფორმის მატარებლები არიან, ვიდრე პირველი ან მეორე ტალღისას.

"მნიშვნელოვანია, აღინიშნოს ის ფაქტი, რომ გაახალგაზრდავებული არის თვითონ ინფექციის გავრცელების კუთხით ჰოსპიტალში მოხვედრილი ჩვენი პაციენტების ასაკი, რაც, რა თქმა უნდა, არის ძალიან საყურადღებო", — განცხადა ტიკარაძემ იმედის ეთერში.

13 აპრილის მონაცემებით, საქართველოში კორონავირუსის 1 374 ახალი შემთხვევა დადასტურდა, გამოჯანმრთელდა 422, ხოლო გარდაიცვალა — 11 ადამიანი. 26 იანვრის შემდეგ ინფიცირების დღიურმა მაჩვენებემა პირველად გადააჭაბა 1 000-ს.

ამ ეტაპზე ინფიცირების მიმდინარე აქტიური შემთხვევა არის 7 958, საიდანაც, 2 445 ადამიანი მკურნალობს საავადმყოფოში, მათ შორის, მძიმე პაციენტია 400, ხოლო ხელოვნური სუნთქვის აპარატზე იმყოფება 81 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: