ჯანდაცვის მინისტრის მოადგილის, თამარ გაბუნიას განცხადებით, თუ ქვეყანაში ეპიდემიოლოგიური თვალსაზრისით უკიდურესი აუცილებლობა არ დადგა, ბაღები და სკოლები არ დაიხურება.

"ზოგადად, ბაღების და სკოლების დახურვა ძალიან რთული გადაწყვეტილებაა. ამდენად, თუ უკიდურესი აუცილებლობა არ დადგა ამისი, ვეცდებით, რომ დიდხანს შევინარჩუნოთ ბაღები და სკოლები. [...] ბაღების და სკოლების რისკი მაღალია ეპიდემიის გავრცელების შემთხვევში, თუმცა გადაწყვეტილება ბაღების და სკოლების დახურვის არის ძალიან რთული და თუ ამის უკიდურესი აუცილებლობა არ იქნება, ბაღებში და სკოლებში სასწავლო პროცესი გაგრძელდება აქტიური ტესტირებისა და სხვა წესების დაცვით", — განაცხადა გაბუნიამ.

6 აპრილის მონაცემებით, საქართველოში კორონავირუსის 897 ახალი შემთხვევა დადასტურდა, გამოჯანმრთელდა 196, ხოლო გარდაიცვალა — 10 ადამიანი.

ბოლო 24 საათში ქვეყნის მასშტაბით ჩატარდა 24 592 კვლევა ტესტით, მათ შორის ანტიგენის სწრაფი ტესტით — 18 536, PCR-ით — 6 056.

Stopcov.ge-ზე გამოქვეყნებული ინფორმაციის თანახმად, დადებითობის დღიური მაჩვენებელი არის 3,65%, ბოლო 14 დღის განმავლობაში — 1,94%, ხოლო 7 დღის — 2,32%.

ქვეყანაში Covid-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 284 061 -ს, გამოჯანმრთელდა — 284 958, ხოლო ვირუსს ჯამში ემსხვერპლა 3 832 ადამიანი.

დღეს ქვეყანაში გამოვლენილი ინფიცირების 897 ახალი შემთხვევიდან:

  • თბილისში გამოვლენილია 463 შემთხვევა;
  • აჭარა — 83;
  • იმერეთი — 88;
  • ქვემო ქართლი — 41;
  • შიდა ქართლი — 32;
  • გურია — 31;
  • სამეგრელო - ზემო სვანეთი — 96;
  • კახეთი — 19;
  • მცხეთა-მთიანეთი — 24;
  • სამცხე-ჯავახეთი — 1;
  • რაჭა-ლეჩხუმი და ქვემო სვანეთი — 19.

ამ ეტაპზე ინფიცირების მიმდინარე აქტიური შემთხვევა არის 5 880, საიდანაც: 1 892 ადამიანი მკურნალობს საავადმყოფოში, მათ შორის, თბილისის საავადმყოფოებში — 911, აჭარაში — 286, იმერეთში — 293.

ამ ეტაპზე მძიმე პაციენტია 357 პირი, მათ შორის, თბილისში — 171, აჭარაში — 44, იმერეთში — 70. ხელოვნური სუნთქვის აპარატზე იმყოფება 62 პირი, მათგან თბილისში — 39, აჭარაში — 3, იმერეთში — 8.

269 ადამიანი მოთავსებულია კლინიკურ-სასტუმროებში, მათ შორის 166 — თბილისში, 98 — აჭარაში. 3 719 პირი ვირუსის მკურნალობის კურსს გადის საცხოვრებელ ბინაზე.

საკარანტინე სივრცეებში მოთავსებულია 191 ადამიანი, მათ შორის, თბილისში — 92, ხოლო აჭარაში — 9.

სულ 6 ოქტომბრიდან — 5 აპრილის პერიოდში, სახელმწიფო საზღვრიდან საკარანტინე სივრცეებში გადაყვანილია — 24 017 პირი.

ამ ეტაპისთვის თვითიზოლაციაში იმყოფება 9 857 ადამიანი, მათ შორის თბილისში — 4 213 პირი, აჭარაში — 1 291, იმერეთში — 1 018.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: