სიყვარულს მრავალი ფორმა და სახე აქვს და მისი ჩარჩოებში მოქცევა შეუძლებელია. სწორედ ამას ეხება Ad Council ახალი რეკლამა.

ალბათ, ბევრ ფილმში გინახავთ ამერიკული სპორტისა და მასშტაბური თამაშების თანმდევი მოვლენა: კამერა რომელიმე წყვილზე ჩერდება და მათ ერთმანეთს უნდა აკოცონ, ეს ყველაფერი კი გულის ფორმაში მოქცეული სცენის სახით დიდ ეკრანზე გადაიცემა.
კამპანია სიყვარული იარლიყების გარეშე დიდ მოედნებს ეწვია და კიდევ ერთხელ დაუმტკიცა სამყაროს, რომ დიახ, სიყვარული უნივერსალურია. ეს არის გრძნობა, რომელიც ნებისმიერი რასის, ასაკის, შესაძლებლობებისა და ორიენტაციის ადამიანებს აერთიანებს.

მსგავსი ვიდეორგოლი Ad Council-მა 2015-2016 წლებშიც გადაიღო.

მაშინ, როდესაც სამყაროს ფართოდ დახუჭული თვალებით უყურებთ, გავიწყდებათ, რომ არაფერია იმაზე მნიშვნელოვანი, ვიდრე სიყვარული. გავიწყდებათ ისიც, რომ ბედნიერებას იმსახურებს ყველა, მათ შორის თქვენც. ნუ აუკრძალავთ ადამიანებს, უყვარდეთ ისინი, ვინც უყვართ. იარლიყების გარეშე სამყარო უფრო საინტერესოა.