Whataburger ცნობილი ამერიკული სწრაფი კვების ქსელია, რომელმაც გასული ერთი წლის განმავლობაში თავისი თანამშრომლების მძიმე შრომის დაფასება მოულოდნელი სიურპრიზით გადაწყვიტა.

კომპანიამ თავიანთი თანამშრომლებისთვის, რომლებსაც პანდემიისა და ტეხასის შტატის მოულოდნელად ცივი ზამთრის გამო განსაკუთრებულ პირობებში მოუწიათ მუშაობა, $90 მილიონის პრემიები გამოყო.

ეს ფინანსური მხარდაჭერა მართლაც დამსახურებული იყო, რადგან სხვა ფაქტორების გათვალისწინებასთან ერთად, კომპანიამ ბოლო ერთი წლის განმავლობაში თავისი არსებობის 70-ზე მეტი წლის განმავლობაში ზრდის ყველაზე მაღალი მაჩვენებელი დააფიქსირა.

Whataburger, რომელიც ძირითადად ამერიკის სამხრეთ შტატებშია გავრცელებული, პირველად 1950-იან წლებში გამოჩნდა, დღეს კი 800-ზე მეტი კვების ობიექტი აქვს და 43 ათასზე მეტი ადამიანი ჰყავს დასაქმებული.

ფოტო: WHITE HOUSE / PLANET PIX

"გვინდოდა, რომ ჩვენი ოჯახის წევრებისა [თანამშრომლები] და მათი ოჯახის წევრების მიმართ განსაკუთრებული ზრუნვა გამოგვეხატა. ჩვენი ოჯახის წევრები და ჩვენი ქსელის სტუმრები არიან ჩვენი წარმატების საფუძველი, რითიც უზომოდ მადლიერები ვართ", — აცხადებენ კომპანიაში.