დღეს აღარავის უკვირს ის ფაქტი, რომ ელექტრონული მოწყობილობები ჩვენი ყოველდღიურობის ნაწილად და თან მოდურ აქსესუარებად გადაიქცა. ალბათ გახსოვთ, ჯერ კიდევ 2000-იანი წლების დასაწყისში, როგორ აქცია პერის ჰილტონმა გადასაშლელი ტელეფონები ყველასთვის სასურველ, ტრენდულ ნივთად, ან როგორ გახდა Beats by Dr. Dre საკულტო ყურსასმენები, რომელიც თითქმის ყველა მუსიკალურ კლიპს ამშვენებს და რომელზეც ბევრი ადამიანი ოცნებობს.

ტექნოლოგიები, ისევე, როგორც მოდა, ვითარდება და თუ ადრე საათი სტატუსის გამომხატველი აქსესუარი იყო, ახლა Smart-საათებმა ეს ზღვარი სრულიად წაშალა. ის "Cool" ხასიათის გამოხატვის საუკეთესო ნიმუშია, თანაც, სტილისდა მიუხედავად, ყველას მოსწონს, ყველას უხდება.

ალბათ სიტყვა მოდის ხსენებაზე, თქვენს გონებაში პირველ რიგში ზუმერი არ ამოტივტივდება, მაგრამ ეს ყველაფერი მალე შეიცვლება, რადგან, როგორც ჩიტმა ამბავი მოგვიტანა, ის "Fashion-ში გადადის".

ახალი ვიდეორგოლიდან ჩანს, რომ ზუმერი სრულიად გამორჩეულ Lifestyle-ს გვთავაზობს — Lifestyle-ს, რომელიც თავის გამოხატვაში დაგვეხმარება. ამ მიზნის მისაღწევად კი ზუმერი, სრულიად მოულოდნელად, ქართული მოდის სფეროში ყველასთვის ცნობილ და საყვარელ ბრენდს, Anouki-ს დაუმეგობრდა. დიახ, არ გვეშლება — ზუსტად იმ Anouki-ს, რომელიც მსოფლიო მოდის ინდუსტრიას თავს ნაზი, დახვეწილი სილუეტებით ამახსოვრებს.

და თუ Anouki-ის ერთი კოლექცია მაინც გინახავთ, შეიძლება თავიდან თქვენც გაგიკვირდეთ, როგორ შეიძლება დაუკავშირდეს ერთმანეთს ტექნიკა და ტანსაცმელი, რომელსაც, როგორც წესი, სულ სხვა სახის აქსესუარებს უხამებენ. მაგრამ ზუმერი რისი ზუმერია, რომ თამამი ნაბიჯები არ გადადგას და ციფრული მოწყობილობები ყველა სტილისა თუ გემოვნების ადამიანს არ მოუხდინოს. ამაში ამ ვიდეოდან თავად დარწმუნდებით:

მოდა მუდმივად მოძრავი და სიუპრიზებით სავსე სფეროა, ამიტომ, ძალიან საინტერესოა, რა იქნება შემდეგი? ზუმერის საზაფხულო კამპანია Fashion-ზე? თუ კოლაბორაცია ისეთ ბრენდებთან, როგორებიცაა Prada, Louis Vuitton?

წინასწარ ვერაფერს ვიტყვით, თუმცა ერთი რამ აშკარაა: ზუმერი ახერხებს, ტექნოლოგიებს კიდევ ერთი სასარგებლო ფუნქცია შესძინოს — აქციოს ის გამოცდილებად, გამოხატვის საშუალებად, Lifestyle-ად. მომხმარებლებს კი ისღა დარჩენიათ, ამ მოულოდნელობებით სავსე კამპანიას თვალი ადევნონ.

გადახედე ახალ, მოდურ ელექტრონულ აქსესუარებს ზუმერში და მოირგე, რას ელოდები?