NATO-ს გენერალური მდივანის, იანს სტოლტენბერგის განცხადებით, რუსეთი აგრძელებს მეზობელ სახელმწიფოებში დესტაბილიზაციისთვის ხელის შეწყობას. აღნიშნულის შესახებ სტოლტენბერგმა NATO-ს მინისტერიალის შემდეგ ისაუბრა.

რუსეთი ძირს უთხრის და ხელს უწყობს მეზობელ ქვეყნებში, საქართველოში, უკრაიანასა და მოლდოვის რესპუბლიკაში დესტაბილიზაციას. მხარს უჭერს ბელარუსში ზეწოლის ფაქტებს და ცდილობს ჩაერიოს დასავლეთ ბალკანეთის რეგიონში. რუსეთი აგრძელებს ფართომასშტაბიან სამხედრო მზადებას ბალტიის ზღვიდან შავ ზღვამდე, ახლო აღმოსავლეთსა და ჩრდილოეთ აფრიკაში, ხმელთაშუა ზღვიდან არქტკიამდე. ალიანსის წევრებმა გააკრიტიკეს მისი დეზინფორმაცია და პროპაგანდა, მისი ძალისხმევა არჩევნებზე გავლენის მოსახდენად, კიბერ შეტევები და პოლიტიკური ოპონენტების წინააღმდეგ ქიმიური იარაღის გამოყენება", — განაცხადა სტოლტელბერგმა.

მისივე თქმით, NATO-ს წევრმა სახელმწიფოებმა უნდა გააძლიერონ თავიანთი თავდაცვისა და შეკავების მექანიზმები, რათა რუსეთიდან წამოსული საფრთხეები იყოს სათანადოდ დაბალანსებული.

"NATO-ს პასუხი მყარი და თამიმდევრულია. რუსეთის ქმედებების საპასუხოდ, NATO-მ დანერგა ჩვენი კოლექტიური თავდაცვის სისტემის ყველაზე დიდი გაძლიერება. ჩვენ ვაუმჯობესებთ ჩვენს ჰიბრიდულ და კიბერ თავდაცვის სისტემებს. ვრჩებით ფხიზლად. ვაგრძელებთ მუშაობას ევროკავშირთან და ჩვენს ახლო პარტნიორებთან, რათა დავრწმუნდეთ, რომ რუსეთის ქმედებებს ერთად ვუპასუხებთ. მოკავშირეები ვთანხმდებით, რომ ჩვენ უნდა გავაგრძელოთ შეკავებისა და თავდაცვის ადაპიტირების მიმოხილვა, განსაკუთრებით მაშინ, როცა საქმე ეხება რუსეთის მზარს სარაკეტო საფრთხეებს", — განაცხადა სტოლტენბერგმა.