მიტროპოლიტი პეტრე ამბობს, რომ ის და რამდენიმე ღვმდელ-მთავარი მომხრე იყვნენ, რომ ბორჯომ-ბაკურიანის ყოფილი მმართველი ღვმდელ-მთავრის, მიტროპოლიტ სერაფიმე ჯოჯუას საკითხი სინოდის სხდომაზე განხილულიყო. მიტროპოლიტის მიერ არასრულწლოვანთან შესძლოს სექსუალური კავშირის შესახებ ინფორმაცია მედიაში გავრცელდა.

მისი თქმით, ეს საკითხის სინოდის სხდომაზე განხილული არ იყო, რადგან ქორეპისკოპოსმა, მეუფე თეოდორემ აღნიშნა, რომ პატრიარქის კურთხევით საკითხს არ შეხებოდნენ. ის აღნიშნავს, რომ სასულიერო პირების ნაწილმა მიტროპოლიტ სერაფიმე ჯოჯუას მიმართ ბრალდებები წარუდგინეს.

"დღემდე არ არის პასუხი, დღემდე ეს სასულიერო პირები არავის დაუკითხავს და არ დაუსჯია. ხო შეიძლება დავფიქრდეთ და დასკვნა, ალბათ, ერთადერთია - მიზანმიმართულად, ეკლესიის დისკრედიტაციას ემსახურება მსგავსი გადაწყვეტილებები," - აღნიშნა მიტროპოლიტმა პეტრემ, რომლის თქმითაც ამ ყველაფრის უკან საქართველოს ეკლესიის, პატრიარქის და სახელმწიფოს მტრული ძალები არიან.

მიტროპოლიტმა პეტრემ რამდენიმე წუთის წინ რუსთავი 2-ის ეთერში განაცხადა, რომ შორენა თეთრუაშვილი მსგავსი ძალების დასაყრდენია.