ქართული ოცნების დეპუტატი ლადო კახაძე პირდაპირ ეთერში AstraZeneca-ს ვაქცინით აიცრა. დეპუტატმა აღნიშნა, რომ აცრა არის ერთაერთი გზა ვირუსის დამარცხებისთვის და აბჯარი ორგანიზმისთვის.

"მადლობა უნდა ვუთხრა, საერთოდ ვერ ვიგრძენი ისე გამიკეთა. ამ დროის შესაბამისად, რამდენიმე წუთია გასული, ადგილობრივი რეაქცია არ ყოფილა, არაფერი შეგრძნება არა მაქვს განწყობა კარგი მაქვს.

მთავარი ის არის, რომ თქვენი მეოხებით, თქვენთან ერთად, ამ პროცესების მეოხებით ყველა ადამიანთან მივდივარ, ჩემს მოძმესთან, ხაზს ვუსვან, ჩემი ქვეყნის ბინადართან, დედამიწის ბინადართან; თხოვნითაც მივდივარ, პირადი მაგალითითაც, რწმენით და იმედით", — განაცხადა მან.

დეპუტატმა მოუწოდა ყველას, რომ ვაქცინცია ჩაიტარონ. მისი თქმით, პირადი მაგალითით სურს, რომ ვაქცინაცია წაახალისოს.

"ყველა იმ ადამიანს, რომელიც ჩემს ასაკშია და ჩემი პროფესიის არის, პირველ ეტაპზე, ვთხოვ, ვურჩევ, რომ თავისი თავის მომავლის უზრუნველსაყოფად ეს პროედურა გაიარონ. უსაფრთხოა და სარგებლის მომტანი", — აღნიშნა მან.