საქართველოს შინაგან საქმეთა სამინისტროს პრესსამსახურის ინფორმაციით, ტელეკომპანია რუსთავი 2-ის გენერალური დირექტორის, ნიკა გვარამიასა და თბილისის საქალაქო სასამართლოს ყოფილი თავმჯდომარის, მამუკა ახვლედიანის გავრცელებული ჩანაწერია ავთენტურია. ჩანაწერი გასული წლის 3 ოქტომბერს გავრცელდა.

უწყების პრესსამსახურში ამ ინფორმაციას ჩანაწერზე გაკეთებული ექსპერტიზის შემდეგ აკეთებენ.

On.ge დაინტერესდა რა იგულისხმება ჩანაწერის ავთენტურობაში: ჩანაწერი არ არის დამონტაჟებული თუ ხმები ეკუთვნით გვარამიასა და ახვლედიანს. შსს-ში ამ დეტალებზე ჯერ არ საუბრობენ.

ნიკა გვარამია საგამოძიებო უწყებაში დღეს 18 საათამდე, გამოკითხვის მიზნით, არის დაბარებული, 15 საათზე კი - პრესკონფერენციას მართავს.

რუსთავი 2-ის გენერალურმა დირექტორმა 3 ოქტომბერს ბრიფინგზე განაცხადა, რომ მისი და საქალაქო სასამართლოს ყოფილი თავმჯდომარის, მამუკა ახვლედიანის ჩანაწერი თავად გააკეთა, თუმცა, ქსელში ვიღაც სხვამ გაავრცელა. ჩანაწერში მამუკა ახვლედიანი ნიკა გვარამიასთან განიხილავს უზენაესი სასამართლოს თავმჯდომარის, ნინო გვენეტაძის მმართველობის შემდეგ სასამართლო სისტემაში შექმნილ პრობლემებს.