თბილისის მერიის წინ, ერთიანი ნაციონალური მოძრაობის მიერ გამართულ აქციაზე 13 მოქალაქე დააკავეს. ინფორმაცია On.ge-ს შსს-ში დაუდასტურეს.

"ადმინისტრაციულ სამართალდარღვევათა კოდექსის 173-ე და 166 -ე მუხლებით დაკავებულია 13 პირი" - განგვიცხადეს უწყებაში.

ამ დროისთვის, თბილისის მერიის წინ ქუჩაზე შეკრებილი აქტივისტები რუსთავი 2-ს უცხადებენ მხარდაჭერას. ნიკა მელია დავით ნარმანიასთან შეხვედრას ითხოვს.

რუსთავი 2-ის ინფორმაციით, აქციაზე ფიზიკური დაპირისპირება მას შემდეგ დაიწყო, რაც ადგილზე აქციის მონაწილეებთან შესახვედრა გელა ჩოხელი მივიდა. რუსთავი 2-ის ცნობით, მის საკუთრებაში იყო ის მიწის ნაკვეთი, რომელიც მოსამართლე ნატა ნაზღაიძის ოჯახს გადაეცა.

რუსთავი 2-ის ინფორმცაიით, ჩოხელი აქციის მონაწილე პოლიტიკური ლიდერებისადმი ცდილობდა საკუთარი პოზიციის დაფიქსირებას, როდესაც საუბარი სიტყვიერ და ფიზიკურ დაპირისპირებაში გადაიზარდა, რასაც აქტივისტების დაკავება მოჰყვა.

ნიკა მელიას თქმით, გოგა ჩოხელმა აქტივისტებს ფიზიკური შეურაცხყოფა მიაყენა.

ტელეკომპანია რუსთავი 2-ის გადაცემა პოსკრიპტუმში 5 თებერვალს გავიდა რეპორტაჟი, რომელშიც ჟურნალისტური გამოძიების მიხედვით საუბარია იმაზე, რომ, რამდენიმე დღის წინ რუსთავი 2-ის საქმის მოსამართლე ნატა ნაზღაიძეს ძმამ ბიუჯეტიდან 1 მილიონი ლარის ოდენობის თანხა მიიღო. P.S.-ის რეპორტაჟის შემდეგ, ენმ მოსამართლისთვის უფლებამოსილების შეწყვეტას ითხოვს.

მერიის შენობასთან აქცია რუსთავი 2-ის საქმის განმხილველი მოსამართლის, ნატა ნაზღაიძის ძმის, ზვიად ნაზღაიძისთვის, კომპენსაციის სახით, ქონების სავარაუდო გადაცემის გამო იმართება. აქციის მონაწილეების მოთხოვნაა ნაზღაიძისთვის გადაცემული ქონება თბილისის მუნიციპალიტეტის საკუთრებაში დაბრუნდეს.

ამავე თემაზე: