დევიდ ფინჩერის შემოქმედების მოყვარულებმა კარგად იციან, თუ როგორ უყვარს მას კრიმინალური ისტორიები და მალე კიდევ ერთ ასეთ საინტერესო ამბავს გააცოცხლებს ეკრანებზე.

ცნობილი ამერიკელი რეჟისორი კვლავ სტრიმინგ სერვის ნეტფლიქსთან თანამშრომლობის ფარგლებში გადაიღებს შემდეგ ფილმს, რომლის სახელწოდება The Killer (კილერი) იქნება.

მომავალი ფილმი ფრანგი მწერლის ალექსის ნოლენის ამავე სახელწოდების ცნობილი გრაფიკული რომანის მიხედვით შეიქმნება, რომელიც ცივსისხლიანი მკვლელის შესახებ მოგვითხრობს. უცხოურ მედიაში გავრცელებული ინფორმაციის თანახმად, ამჟამად მთავარ როლზე დასამტკიცებლად მოლაპარაკებები მაიკლ ფასბენდერთან მიმდინარეობს.

კილერის სცენარზე ენდრიუ კევინ უოლკერი იმუშავეს, რომელსაც მანამდე დევიდ ფინჩერთან ერთად ისეთი პროექტებზე უთანამშრომლია, როგორებიცაა Se7en (შვიდი) და Fight Club (მებრძოლთა კლუბი).

Mank

ფოტო: Netflix

2014 წელს გაუჩინარებული ქალის (Gone Girl) გამოსვლიდან ექვსწლიანი პაუზის შემდეგ, 2020 წელს დევიდ ფინჩერმა პირველი სრულმეტრაჟიანი კინოსურათი Mank (მანკი) გამოუშვა, რომელმაც კრიტიკოსებისგან საოცრად დადებითი შეფასებები დაიმსახურა და მომავალ ოსკარებზეც დიდ წარმატებას უწინასწარმეტყველებენ.