ეკონომიკის მინისტრის, ნათია თურნავას თქმით, ღამის მობილობის შეზღუდვა ერთ-ერთი ბერკეტია იმისთვის, რომ ქვეყანაში ნორმალური ეპიდემიოლოგიური სიტუაცია შენარჩუნდეს. ამის შესახებ მან რუსთავი 2-ის ეთერში ისაუბრა.

"არის დამტკიცებული და გატესტილი, რომ ერთ-ერთი ბერკეტი, რაც გვაძლევს შესაძლებლობას, რომ ნორმალური ვითარება შევინარჩუნოთ და ვამუშაოთ ბიზნესები, ეს არის ღამის მობილობის შეზღუდვა, ამ ეტაპზე ვიტოვებთ ამას, მომავალში შევხედოთ", — განაცხადა თურნავამ.

საკოორდინაციო საბჭოს გადაწყვეტილებით, რამდენიმე შეზღუდვა ეტაპობრივად მოიხსნება, თუმცა ე.წ. კომენდანტის საათი ისევ ძალაში რჩება. 25 თებერვლიდან მუშაობას იწყებს საქალაქთაშორისო ტრანსპორტი. შეზღუდვების მოხსნა შეეხება როგორც სასწავლო პროცესს, ისე თეატრებს, სპორტულ დარბაზებს, რესტორნებსა და სავაჭრო ცენტრებს. თუმცაღა ე.წ. კომენდანტის საათი კვლავ ძალაში რჩება.