ბიზნესომბუდსმენობით დაიწყო და გუნდთან შეუთანხმებელი პოზიციით დაასრულა. დიდი გზა გაიარა — იყო პრემიერმინისტრის მრჩეველი ეკონომიკურ საკითხებში, ეკონომიკის მინისტრი, შინაგან საქმეთა მინისტრი, ვიცე-პრემიერი და წინააღმდეგობის მიუხედავად, პრემიერიც გახდა.

ამ ხანგრძლივ გზაზე არაერთი ეპითეტით დაუხასიათებიათ — თვალთხარიადან დაწყებული, კრიზისმენეჯერით დამთავრებული. თავადაც არ აკლებდა ეპითეტებს სხვებს — ოპოზიციას ხან კურდღლებს ეძახდა, ხან ხულიგნებს. იყო დრო, მათ "დასრულებითაც" ემუქრებოდა, მაგრამ თვითონ უფრო ადრე დაასრულა.

მთელი კარიერის განმავლობაში ამტკიცებდა, რომ კანონი, როგორი წინააღმდეგიც არ უნდა იყოს საზოგადოება ან ოპოზიცია, უნდა აღსრულდეს და ყველას მიმართ ერთნაირი უნდა იყოს. ამ ხისტი პოზიციით ამართლებდა ყველა ნაბიჯს, თუმცა პრემიერმინისტრობის ბოლო დღეს რიტორიკა შეიცვალა და თქვა: "ერთი კონკრეტული ადამიანის მიმართ თუნდაც კანონიერი, მართლმსაჯულებით განსაზღვრული ღონისძიების აღსრულება, თუ ეს რისკს უქმნის ჩვენი მოქალაქეების ჯანმრთელობას, სიცოცხლეს ან საერთოდ ქვეყანაში ქმნის პოლიტიკური ესკალაციის შესაძლებლობას, არის მიუღებელი".

მიუღებლად არ მიაჩნდა ეს ბასიანსა და გალერიში, ან პანკისში ჩატარებული სპეცოპერაციისას; არც მაშინ, როცა "პარლამენტზე შტურმის აღკვეთის" მოტივით ანტისაოკუპაციო აქციას რეზინის ტყვიებით, ცრემლსადენი გაზით და წყლის ჭავლით შლიდა. ალბათ ამიტომ, მის წასვლას "პასუხისმგებლობის არიდებად" უფრო ხშირად აფასებენ, ვიდრე "კრიზისის განმუხტვის" მცდელობად, როგორც ეს თავად აღნიშნა.

შეავსე ჩვენი ქვიზი და ნახე, რით დაგვამახსოვრა თავი გახარიამ. "ჩვენ ყველას კარგად უნდა გვესმოდეს", რომ ეს ქვიზი მარტივი არ იქნება. მოდი, დავიწყოთ...

მოდი, დავიწყოთ გახარიას საქმეების გახსენება და შევავსოთ ქვიზი

ტესტის დაწყება

1 / 20 გაიხსენე პირველი გახმაურებული საქმე გახარიას შს მინისტრობისას

2 / 20 "მოდი, დავიწყოთ ბოდიშით" — რა პირობა მისცა და არ შეუსრულა გახარიამ ამ სიტყვების შემდეგ დაშლილი აქციის მონაწილეებს?

3 / 20 ჩამოთვლილთაგან პირველად რომელი გახმაურებული საქმის გამო მოითხოვეს გახარიას გადადგომა და რატომ?

4 / 20 ე.წ. მირზა სუბელიანის ჩანაწერების მიხედვით, როგორ იყო გახარია ჩართული ხორავას ქუჩის საქმეში?

5 / 20 რომელი კამპანია წამოიწყო შს სამინისტრომ გახარიას მინისტრობისას?

6 / 20 რა რეაქცია ჰქონდა გახარიას პოეტ ზვიად რატიანის საქმეზე?

7 / 20 ჩამოთვლილთაგან, რომელი ფორმით არ მიუმართავს გახარიას ჟურნალისტებისთვის?

8 / 20 როგორ მოიქცა გახარია, როცა მისი უწყების მიერ შემუშავებულ კანაფის კონტროლის კანონპროექტს საპატრიარქომ ბრძოლა გამოუცხადა?

9 / 20 რას პასუხობდა შს მინისტრი თიბისის დამფუძნებლის, ხაზარაძის ბრალდებას ე.წ. მუქარის წერილზე?

10 / 20 ჩამოთვლილთაგან, რომელი საქმე არ უკავშირდება გახარიას შს მინისტრობის პერიოდს?

11 / 20 "უბრალოდ, ვერ ვხედავ, არც სურვილი მაქვს. ვთვლი, რომ რასაც ვაკეთებ, არის უაღრესად მნიშვნელოვანი" — რაზე ამბობდა ამას გახარია?

12 / 20 რა გახდა რამდენიმეთვიანი უწყვეტი აქციების მიზეზი, რომელზეც გახარიას გადადგომას ითხოვდნენ?

13 / 20 მეუფე იაკობის განცხადებით, რაზე "ეჩალიჩებოდა" გახარია გომელაურთან და კვირიკაშვილთან ერთად?

14 / 20 როგორ მოიქცა გახარიას უწყება, როცა Tbilisi Pride-ს ღირსების მარშის ჩატარება სურდა?

15 / 20 "აქ ვარ და ვიქნები მანამ, სანამ იმ კონკრეტულ ამოცანებს, რომელზეც ახლა ვსაუბრობ, არ დავასრულებ. ამის შემდეგ ყველანაირი პრობლემის გარეშე გადავდგები" — რა მოხდა გახარიას ამ ციტატიდან 1 თვეში?

16 / 20 რა გახდა ათეულობით კრიტიკული წერილის მიზეზი, რომელიც გახარიამ კონგრესმენებისა და ევროპარლამენტარებისგან მიიღო?

17 / 20 რას ამბობდა გახარია საგანგებო მდგომარეობის გამოცხადებამდე 4 დღით ადრე?

18 / 20 რა გადაწყვეტილება მიიღო გიორგი გახარიამ, როცა საპატრიარქომ უარი თქვა პანდემიის გამო დაწესებულ შეზღუდვებს დამორჩილებოდა?

19 / 20 "სხვებისგან განსხვავებით, მე წესებს ვიცავ" — თქვა გახარიამ კორონავირუსზე საუბრისას 2020 წლის 19 ოქტომბერს. რა მოხდა 2 კვირაში?

20 / 20 ჩამოთვლილთაგან, რომელი ფრაზა არ ეკუთვნის ყოფილ პრემიერმინისტრ გახარიას?

იტვირთება...
ერთი წუთით...