ბიზნესომბუდსმენობით დაიწყო და გუნდთან შეუთანხმებელი პოზიციით დაასრულა. დიდი გზა გაიარა — იყო პრემიერმინისტრის მრჩეველი ეკონომიკურ საკითხებში, ეკონომიკის მინისტრი, შინაგან საქმეთა მინისტრი, ვიცე-პრემიერი და წინააღმდეგობის მიუხედავად, პრემიერიც გახდა. შეიძლება ითქვას, რომ ქართულ ოცნებაში თავი ყველანაირ თანამდებობაზე მოსინჯა.

ამ ხანგრძლივ გზაზე არაერთი ეპითეტით დაუხასიათებიათ — თვალთხარიადან დაწყებული, კრიზისმენეჯერით დამთავრებული. თავადაც არ აკლებდა ეპითეტებს სხვებს — ოპოზიციას ხან კურდღლებს ეძახდა, ხან ხულიგნებს. იყო დრო, მათ "დასრულებითაც" ემუქრებოდა, მაგრამ თვითონ უფრო ადრე დაასრულა.

ბოლო რამდენიმე წელია, მისი სახელი სხვადასხვა კონტექსტში ისმოდა ყველგან — აქციებზე, არასამთავრობოების განცხადებებში, დასავლელი პარტნიორების კრიტიკულ წერილებში და "ოცნების" დეპუტატების თუ მათთან დაახლოებული ექიმებისა და სასულიერო პირების საქებ ფრაზებში. დიდი ხანი ითხოვდნენ მის გადადგომას, პასუხებს და პასუხისმგებლობის აღებასაც, არცერთი შეუსრულებია.

მთელი კარიერის განმავლობაში ამტკიცებდა, რომ კანონი, როგორი წინააღმდეგიც არ უნდა იყოს საზოგადოება ან ოპოზიცია, უნდა აღსრულდეს და ყველას მიმართ ერთნაირი უნდა იყოს. ამ ხისტი პოზიციით ამართლებდა ყველა ნაბიჯს, თუმცა პრემიერმინისტრობის ბოლო დღეს რიტორიკა შეიცვალა და თქვა: "ერთი კონკრეტული ადამიანის მიმართ თუნდაც კანონიერი, მართლმსაჯულებით განსაზღვრული ღონისძიების აღსრულება, თუ ეს რისკს უქმნის ჩვენი მოქალაქეების ჯანმრთელობას, სიცოცხლეს ან საერთოდ ქვეყანაში ქმნის პოლიტიკური ესკალაციის შესაძლებლობას, არის მიუღებელი".

მიუღებლად არ მიაჩნდა ეს ბასიანსა და გალერიში, ან პანკისში ჩატარებული სპეცოპერაციისას; არც მაშინ, როცა "პარლამენტზე შტურმის აღკვეთის" მოტივით ანტისაოკუპაციო აქციას რეზინის ტყვიებით, ცრემლსადენი გაზით და წყლის ჭავლით შლიდა. ალბათ ამიტომ, მის წასვლას "პასუხისმგებლობის არიდებად" უფრო ხშირად აფასებენ, ვიდრე "კრიზისის განმუხტვის" მცდელობად, როგორც ეს თავად აღნიშნა.

წავიდა და თანამშრომლებთან გადაღებული ბედნიერი სელფი დატოვა, რომელიც ქართული ინტერნეტის რეკორდსმენობისკენ მიდის. ფოტოს ათიათასობით დადებითი რეაქცია აქვს, რასაც საზოგადოების ნაწილი მოკლე პოლიტიკურ მეხსიერებად აფასებს.

შეავსე ჩვენი ქვიზი და ნახე, რით დაგვამახსოვრა თავი გახარიამ. "ჩვენ ყველას კარგად უნდა გვესმოდეს", რომ ეს ქვიზი მარტივი არ იქნება. მოდი, დავიწყოთ...

მოდი, დავიწყოთ გახარიას საქმეების გახსენება და შევავსოთ ქვიზი

ტესტის დაწყება

1 / 20 გაიხსენე პირველი გახმაურებული საქმე გახარიას შს მინისტრობისას

2 / 20 "მოდი, დავიწყოთ ბოდიშით" — რა პირობა მისცა და არ შეუსრულა გახარიამ ამ სიტყვების შემდეგ დაშლილი აქციის მონაწილეებს?

3 / 20 ჩამოთვლილთაგან პირველად რომელი გახმაურებული საქმის გამო მოითხოვეს გახარიას გადადგომა და რატომ?

4 / 20 ე.წ. მირზა სუბელიანის ჩანაწერების მიხედვით, როგორ იყო გახარია ჩართული ხორავას ქუჩის საქმეში?

2018 წლის 14 ოქტომბერს რუსთავი 2-მა ხორავას ქუჩის საქმეზე დანაშაულის შეუტყობინებლობისთვის დაკავებული, მირზა სუბელიანის სავარაუდო აუდიოჩანაწერები გაავრცელა. აუდიჩანაწერში საუბარია გახმაურებული საქმეების გახსნის ძალადობრივ მეთოდებზე, ხელისუფლების კომპრომატებზე, ხორავას ქუჩის საქმეზე.

5 / 20 რომელი კამპანია წამოიწყო შს სამინისტრომ გახარიას მინისტრობისას?

6 / 20 რა რეაქცია ჰქონდა გახარიას პოეტ ზვიად რატიანის საქმეზე?

ზვიად რატიანი ე.წ. რეიდების დროს დააკავეს. მას სამართალდამცავებისადმი წინააღმდეგობის გაწევასა და წვრილმან ხულიგნობას ედავებოდნენ. რატიანი პოლიციელებს ცემაში ადანაშაულებდა. საზოგადოებრივმა მაუწყებელმა 2017 წლის 27 დეკემბერს შინაგან საქმეთა სამინისტროს მიერ მიწოდებული ვიდეოკადრები გამოაქვეყნა, რომლებიც რატიანის დაკავებას ასახავდა. რატიანმა ინციდენტის შემდეგ ქვეყანა დატოვა და მორალური ზიანის ანაზღაურების მოთხოვნით სასამართლოს მიმართა.

7 / 20 ჩამოთვლილთაგან, რომელი ფორმით არ მიუმართავს გახარიას ჟურნალისტებისთვის?

8 / 20 როგორ მოიქცა გახარია, როცა მისი უწყების მიერ შემუშავებულ კანაფის კონტროლის კანონპროექტს საპატრიარქომ ბრძოლა გამოუცხადა?

შინაგან საქმეთა სამინისტრომ "მცენარე კანაფის კონტროლის" შესახებ კანონპროექტი შეიმუშავა, რომელიც სამედიცინო მიზნით მარიხუანის დათესვას, მოყვანასა და კულტივაციას გულისხმობდა. ინფორმაციის გაჟღერებისთანავე საპატრიარქომ განცხადება გაავრცელა, სადაც აღნიშნა, რომ სრულიად მართლმადიდებელი ეკლესია და მრევლი შეეწინააღმდეგებოდა ნებისმიერი მიზნისთვის მარიხუანის რეალიზაციის ლეგალიზებას.

9 / 20 რას პასუხობდა შს მინისტრი თიბისის დამფუძნებლის, ხაზარაძის ბრალდებას ე.წ. მუქარის წერილზე?

მამუკა ხაზარაძის თქმით, 2018 წლის საპრეზიდენტო არჩევნების წინ, გახარიასგან მუქარის წერილი მიიღო, რომლის მიხედვითაც, მოთხოვნების შეუსრულებლობის შემთხვეევაში, ქვეყანაში და საერთაშორისო ასპარეზზე დაუნგრევდნენ რეპუტაციას. წერილის მიხედვით, მისგან მოითხოვდნენ დაეგმო ნაციონალური მოძრაობის "რევანშის მცდელობა" და ელაპარაკა იმაზე, თუ როგორ ექცეოდა ყოფილი ხელისუფლება ბიზნესს. ამავე წერილში, ხაზარაძის ინფორმაციით, ეწერა ისიც, რომ "TV პირველი უნდა დაჯდეს TV იმედის ტრენდზე, გადავიდეს მაუწყებლობის საგანგებო რეჟიმზე".

10 / 20 ჩამოთვლილთაგან, რომელი საქმე არ უკავშირდება გახარიას შს მინისტრობის პერიოდს?

11 / 20 "უბრალოდ, ვერ ვხედავ, არც სურვილი მაქვს. ვთვლი, რომ რასაც ვაკეთებ, არის უაღრესად მნიშვნელოვანი" — რაზე ამბობდა ამას გახარია?

12 / 20 რა გახდა რამდენიმეთვიანი უწყვეტი აქციების მიზეზი, რომელზეც გახარიას გადადგომას ითხოვდნენ?

13 / 20 მეუფე იაკობის განცხადებით, რაზე "ეჩალიჩებოდა" გახარია გომელაურთან და კვირიკაშვილთან ერთად?

2019 წელს ბოდბელმა ეპისკოპოსმა, მეუფე იაკობმა TV პირველთან სატელეფონო ინტერვიუში ყოფილ პრემიერმინისტრ გიორგი კვირიკაშვილის კაბინეტში გამართული შეხვედრა გაიხსენა.

14 / 20 როგორ მოიქცა გახარიას უწყება, როცა Tbilisi Pride-ს ღირსების მარშის ჩატარება სურდა?

2019 წელს, ივნისში, როცა მსოფლიოს დიდი ნაწილი LGBTQI თემის ღირსების თვეს ზეიმობს, საქართველოში ისტორიაში პირველი პრაიდი დაიგეგმა. ინფორმაციის გავრცელებისთანავე, ჰომოფობიური ჯგუფების მხრიდან მუქარა წამოვიდა. პრაიდის ორგანიზატორების გუნდი უსაფრთხოების საკითხებისა და ლოკაციის შესათანხმებლად შსს-სთან მოლაპარაკებებს აწარმოებდა.

15 / 20 "აქ ვარ და ვიქნები მანამ, სანამ იმ კონკრეტულ ამოცანებს, რომელზეც ახლა ვსაუბრობ, არ დავასრულებ. ამის შემდეგ ყველანაირი პრობლემის გარეშე გადავდგები" — რა მოხდა გახარიას ამ ციტატიდან 1 თვეში?

16 / 20 რა გახდა ათეულობით კრიტიკული წერილის მიზეზი, რომელიც გახარიამ კონგრესმენებისა და ევროპარლამენტარებისგან მიიღო?

17 / 20 რას ამბობდა გახარია საგანგებო მდგომარეობის გამოცხადებამდე 4 დღით ადრე?

საგანგებო მდგომარეობის დაწესების საკითხი აქტიური განხილვის საგანი იყო. ოპოზიციის ნაწილი მოუწოდებდა ხელისუფლებას, ასე მოქცეულიყო, ნაწილი კი კატეგორიულად ეწინააღდეგებოდა ამ აზრს.

18 / 20 რა გადაწყვეტილება მიიღო გიორგი გახარიამ, როცა საპატრიარქომ უარი თქვა პანდემიის გამო დაწესებულ შეზღუდვებს დამორჩილებოდა?

19 / 20 "სხვებისგან განსხვავებით, მე წესებს ვიცავ" — თქვა გახარიამ კორონავირუსზე საუბრისას 2020 წლის 19 ოქტომბერს. რა მოხდა 2 კვირაში?

20 / 20 ჩამოთვლილთაგან, რომელი ფრაზა არ ეკუთვნის ყოფილ პრემიერმინისტრ გახარიას?

იტვირთება...
ერთი წუთით...