Super Bowl ამერიკული ფეხბურთის სეზონის ბოლო თამაშია, რომელშიც ლიგის გამარჯვებულის ვინაობა ირკვევა. ეს მატჩი აშშ-ში ერთ-ერთი ყველაზე პოპულარული ტელეპროდუქტია, რომელსაც ათობით მილიონი ადამიანი უყურებს, მაგალითად 2015 წელს თამაშს 114.5 მილიონი ადამიანი უყურებდა. კომპანიები სპეციალურად ამ დღისთვის იღებენ რეკლამებს, მომღერლები კი განსაკუთრებულ შოუს სთავაზობენ ეკრანთან მიჯაჭვულ მაყურებლებს.

Super Bowl-ზე თითქმის ყოველ წელს იხილავთ ამერიკელ პოპ-დივა ლედი გაგას, რომელმაც წელს ფინალურ თამაშზე დამსწრე აუდიტორიასა და ტელემაყურებელს განსაკუთრებული სანახაობა მოუმზადა.