შეიძლება ითქვას, რომ ყველანი ჰარი პოტერის ფილმებზე გავიზარდეთ, თუმცა არა რონ უიზლის როლის შემსრულებელი რუპერტ გრინტი. Variety-სთან ინტერვიუში, მსახიობმა აღიარა, რომ სავარაუდოდ პირველი სამი ფილმიც პრემიერაზე დასწრებისას ნახა.

"ალბათ პირველი სამი ფილმი პრემიერებზე მექნება ნანახი, ამის მერე ყურება შევწყვიტე" — აღნიშნა მსახიობმა და დაამატა, რომ ამის მიზეზი ის არის, რომ საკუთარი თავის ეკრანზე დანახვა არ მოსწონს, თუმცა აცნობიერებს, რომ მამის როლში შოუს ნახვა მოუწევს.

გრინტმა ჰარი პოტერის შესაძლო სერიალზეც გააკეთა კომენტარი და აღნიშნა, რომ შოუში მიწვევას არ ელის, თუმცა სხვა ადამიანის რონის როლზე წარმოდგენა ეუცნაურება.

"თუ ეს რაღაც გაგრძელებასავით იქნება, ძალიან უცნაურია. ამ პერსონაჟის მიმართ გარკვეული დაცვის მექანიზმი მაქვს. სასცენო დადგმის ყურებისასაც არ მტოვებს განცდა, რომ სხვა მეგობრების ჯგუფს ვუყურებ", — აღნიშნა გრინტმა.

HBO-მ ჰარი პოტერის სერიალზე მუშაობა დაიწყო — The Hollywood Reporter

ჰარი პოტერის სერიალზე გავრცელებულმა ხმებმა კამათი გამოიწვია, რადგან ფანების ნაწილი ჯოან როულინგის ტრანსფობიური კომენტარების შემდეგ პროექტის გადაღებას არასწორად მიიჩნევს.

რუპერტმა ჯერ კიდევ ივნისში აღნიშნა, რომ ტრანსგენდერი ადამიანების გვერდით დგას.

"ჩვენ, ყველა სიყვარულს და განსჯის გარეშე ცხოვრებას ვიმსახურებთ და ტრანსგენდერი ადამიანების იდენტობა კითხვის ნიშნის ქვეშ არ დგას" — განაცხადა რონის როლის შემსრულებელმა.

ასევე იხილეთ: