თბილისის მერიის ცნობით, მეტროსადგური გოცირიძე მგზავრებს 3 თვის განმავლობაში ვერ მოემსახურება. მერიის ინფორმაციით, მეტროსადგურზე სარემონტო-სარეკონსტრუქციო სამუშაოები იწყება.

"მოძრავი შემადგენლობები თბილისის მეტროს პირველ ხაზზე, მეტროსადგურ გოცირიძეზე არ გაჩერდებიან", — აცხადებენ მერიაში.

უწყებათაშორისი საკოორდინაციო საბჭოს გადაწყვეტილებით, 8 თებერვლიდან მუნიციპალურ ტრანსპორტზე დაწესებული შეზღუდვები იხსნება. თბილისის მეტრო და მუნიციპალური ავტობუსები მგზავრებს 21:00 საათამდე მოემსახურებიან. თბილისის მერიაში ამბობენ, რომ გამონაკლისია კუს ტბისა და რიყე-ნარიყალას საბაგირო გზები. დედაქალაქში საზოგადოებრივი ტრანსპორტი შაბათ-კვირას არ იმოძრავებს.