მეცხრამეტე საუკუნეში მეცნიერება ჩამოყალიბებული სახით ჯერ კიდევ არ არსებობდა. ნებისმიერ მდიდარ ადამიანს შეეძლო რომელიმე სფერო ამოერჩია, ჩაღრმავებოდა და სავარაუდოდ, რაიმე ახალსაც აღმოაჩენდა.

ეტიან ლეოპოლდ ტრუველოს ენტომოლოგობა უნდოდა. როდესაც ის 1852 წელს ნაპოლეონის საფრანგეთიდან მასაჩუსეტსში გადასახლდა, თან არაფარდი პარკხვევიების დიდი რაოდენობა წაიღო. ტრუველოს უნდოდა, ამ პეპლის ლარვისაგან აბრეშუმი მიეღო.

საუბედუროდ, მწერები გაექცნენ, რამაც უკონტროლო ინვაზია გამოიწვია. თეთრი პეპლების ჭირი დღემდე უქმნის საფრთხეს ჩრდილოდასავლეთის მცენარეულობას და წლიურად $868 მილიონის ზარალი მოაქვს. მათ ხეებისთვის ომი აქვთ გამოცხადებული.

1896 წელს მუშები ცდილობენ, დიდ ხეზე პეპლის ლარვები გაანადგურონ. მალდენი, მასაჩუსეტსი.

ფოტო: Library of Congress

ამ ინციდენტის შემდეგ ტროველომ მწერებისადმი ინტერესი დაკარგა და გადაწყვიტა ძველ გატაცებას, ასტრონომიასა და მხატვრობას დაბრუნებოდა.

ტროველოს ილუსტრაციებით ჰარვარდის უნივერსიტეტი დაინტერესდა, მოგვიანებით კი მას საშუალება მიეცა, აშშ-ს საზღვარო ობსერვატორიის ულტრათანამედროვე რეფრაქტორული ტელესკოპებით დაკვირვებოდა ცას.

ტრუველოს განსაკუთრებით იზიდავდა მზე, მისი პროტუბერანცები და მზის ლაქები, რომლებიც 1875 წელს თვითონვე აღმოაჩინა. დღეს მისი სახელი მარსსა და მთვარეზე არსებულ რამდენიმე კრატერს ჰქვია. თავისი კარიერის განმავლობაში ეტიანმა ათასობით ულამაზესი ჩანახატი შექმნა. მისი კოსმოსური ნამუშევრები პირდაპირი დაკვირვებების მიხედვით იყო ციდან გადახატული. დამთვალიერებლებს საშუალება ჰქონდათ, მათთვის უხილავ სამყაროსთან ჰქონოდათ წვდომა.
ეს ილუსტრაციები ერთგვარი ხიდი იყო კოსმოსთან, რომლის დანახვაც იმ დროს მხოლოდ რჩეულების ხვედრი იყო.

გთავაზობთ რამდენიმე ფოტოჩანახატს მისი არქივიდან:

პოლარული ნათება. 1872 წლის პირველი მარტი, საღამო 9:25.

ფოტო: Trouvelot Astronomical Drawings/NY Public Library

ზოდიაქური შუქი. 1876 წლის 20 თებერვლის დაკვირვება.

ფოტო: Trouvelot Astronomical Drawings/NY Public Library

1881 წლის დიდი კომეტა. 25-26 ივნისს ჩატარებული დაკვირვებების მიხედვით.

ფოტო: Trouvelot Astronomical Drawings/NY Public Library

ირმის ნახტომის ნაწილი. 1874, 1875 და 1876 წელს ჩატარებული კვლევების მიხედვით.

ფოტო: Trouvelot Astronomical Drawings/NY Public Library

ნოემბერის მეტეორული წვიმა. 1868 წლის 13-14 ნოემბერი.

ფოტო: Trouvelot Astronomical Drawings/NY Public Library

მზის ლაქები. 1875 წლის 17 ივინისი, დილის 7:30.

ფოტო: Trouvelot Astronomical Drawings/NY Public Library

პლანეტა იუპიტერი. 1880 წლის პირველი ნოემბერი, საღამოს 9:30.

ფოტო: Trouvelot Astronomical Drawings/NY Public Library

მთვარის ნაწილობრივი დაბნელება. 1874 წლის 24 ოქტომბრის დაკვირვება.

ფოტო: Trouvelot Astronomical Drawings/NY Public Library

მზის პროტუბერანცები. 1873 წლის 5 მაისი, დილის 9:40.

ფოტო: Trouvelot Astronomical Drawings/NY Public Library

მთვარის Mare Humorum. 1875 წელს ჩატარებული კვლევიდან.

ფოტო: Trouvelot Astronomical Drawings/NY Public Library

ვარსკვლავთგროვა ჰერკულესის თანავარსკვლავედში. 1877 წელს ჩატარებული კვლევიდან.

ფოტო: Trouvelot Astronomical Drawings/NY Public Library

ორიონის ნისლეული. 1875-76 წლებში ჩატარებული კვლევებიდან.

ფოტო: Trouvelot Astronomical Drawings/NY Public Library

მზის სრული დაბნელება, 1878 წლის 29 ივლისი.

ფოტო: Trouvelot Astronomical Drawings/NY Public Library

ალბათ, დაგვეთანხმებით, რომ ნამუშევრები ზუსტი და ლამაზია. რამდენი კოსმოსური ობიექტის თუ მოვლენის ამოცნობა შეძელით?