თუ ინტერნეტში ათასგვარ რეცეპტს კითხულობთ ან კიდევ გამოცდილი მზარეულების ვიდეოებს გაფაციცებით ადევნებთ თვალს და თქვენ მიერ მომზადებული კერძები მაინც არ არის ისეთი გემრიელი, როგორიც ჩანაფიქრში იყო, დიდი ალბათობით, ამას თავისი ობიექტური მიზეზები აქვს და არა უბრალოდ ის, რომ "მზარეულად არ დაბადებულხართ".

პროფესიონალ შეფებს ჰკითხეს, თუ რა შეცდომებს უშვებენ მზარეულები ყველაზე ხშირად და მათაც ყველაზე გავრცელებული შემთხვევები დაასახლეს:

1. მარილი სულაც არ არის ის, რისიც უნდა გვეშინოდეს. პირიქით — ის თითქმის ყველა შემთხვევაში კერძის აუცილებელი ინგრედიენტია და ზომიერად გამოყენება უნდა ვიცოდეთ

ფოტო: Giphy

2. ღუმლის ხშირად შემოწმება ცუდი იდეაა — ტემპერატურის ცვლილება კერძის ცხობაზე ცუდად მოქმედებს. თუმცა ისე უყურადღებოდაც ნუ დატოვებთ, რომ ბოლოს დანახშირებული სიურპრიზი დაგხვდეთ

ფოტო: Giphy

3. კერძს განსაკუთრებულ არომატს მწვანილი მაშინ სძენს, თუ ის ქორფაა, ამიტომაც მაქსიმალურად თავი აარიდეთ დაძველებული, დაჭკნობილი მწვანილის გამოყენებას

ფოტო: Tenor

4. მომზადების პროცესში ხშირად უნდა გაუსინჯოთ კერძს გემო, რათა დროულად მიხვდეთ, რამე ხომ არ დააკელით

ფოტო: Tenor

5. თანაბრად დაჭრილი ბოსტნეული სასიამოვნო ვიზუალთან ერთად უკეთესი გემოს საწინდარია

ფოტო: Giphy

6. რეცეპტებში მითითებული ზუსტი რაოდენობების განსაზღვრას ძალიანაც ნუ გადაჰყვებით: ხანდახან ინტუიციას უნდა მიჰყვე და უკეთ გაიგებ, როგორ მიაღწიო სასურველ შედეგს

ფოტო: Gfycat

7. კარგი ცომის საიდუმლო ხშირად ფქვილის ხარისხია

ფოტო: Giphy

8. პასტის მოხარშვისას არასდროს დაგავიწყეთ მარილის ჩამატება: მნიშვნელობა არ აქვს, როგორ სოუსს უმზადებთ, ასე მაინც ყოველთვის უკეთეს შედეგს მიიღებთ

ფოტო: Behance

9. როგორც წესი, ბლაგვი დანა ყველაფერს აფუჭებს და მომზადების პროცესს ჯოჯოხეთად გიქცევთ, ამიტომ ყოველთვის იქონიეთ ბასრი დანა

ფოტო: Giphy

10. ყველაფერს მაღალი ხარისხის, ძვირადღირებული ზეითუნის ზეთი სულაც არ სჭირდება: ხანდახან სხვა მცენარეული ზეთი ან კარაქი უკეთესი ვარიანტია

ფოტო: Tenor

ბონუსი: რამდენად საოცარი მზარეულიც არ უნდა იყოთ, ეცადეთ, რომ სამზარეულო ბრძოლის ველს არ დაამსგავსოთ – თქვენ მიერ დასვრილ ჭურჭელს თავადვე უნდა მიხედოთ

ფოტო: Tenor