პრიანკა ჩოპრა ჯონასი ამერიკულ სკოლაში განცდილი რასისტული თავდასხმების შესახებ ალაპარაკდა. როგორც მსახიობმა აღნიშნა, დამცირება და შეურაცხყოფა იმდენად აუტანელი იყო, რომ 15 წლის ასაკში ინდოეთში დაბრუნდა.

თავის ახალ ბიოგრაფიულ წიგნზე — Unfinished საუბრისას, რომელიც შემდეგ თვეში გამოვა, ჩოპრა ჯონასმა გაამხილა რომ ბულერებისთვის ყურადღების არმიქცევა შეუძლებელი იყო.

ფოტო: Ballantine Books

"ეს ჩემთვის ძალიან პირადულს შეეხო. შინაგანად გრძნობ დამცირება როგორ გარყევს. ჯავშანი მინდოდა მქონოდა, რათა არავის შემოეხედა, მსურდა უხილავი გავმხდარიყავი. ჩემი თავდაჯერება გაქრა, არადა თავი ყოველთვის თავდაჯერებულ ადამიანად მიმაჩნდა, მაგრამ უკვე აღარ ვიცოდი სად იყო ჩემი ადგილი ან ვინ ვიყავი", — განაცხადა მსახიობმა.

პრიანკას თქმით, ინდოეთიდან აშშ-ში საცხოვრებლად 12 წლის ასაკში გადავიდა და ჯერ ნიუ იორკში ცხოვრობდა, ნათესავებთან, შემდეგ ინდიანაპოლისში და საბოლოოდ მასაჩუსეტსში, სწორედ აქ გადააწყდა რასიზმის ყველაზე დიდ ტალღას.

ჩოპრა ჯონასი მემუარებში ზუსტად იხსენებს ფრაზებს, რომლებსაც სკოლაში მისი მისამართით ყვიროდნენ, მათ შორის: "ყავისფერო, შენ ქვეყანაში დაბრუნდი!" და "იგივე სპილოთი დაბრუნდი იქ, საიდნაც მოხვედი".

მსახიობის თქმით, სცადა ბულინგს გამკლავებოდა, თუმცა სისტემატიურმა ხასიათმა ამერიკის დატოვება გადააწყვეტინა და ამას არ ნანობს.

"ინდოეთში სიყვარულით სავსე გარემოში ვცხოვრობდი, რაც დიდი წყალობა იყო, იქ დაბრუნებამ განმკურნა", — განაცხადა პრიანკამ.