სახალხო დამცველის განცხადებით, 2008 წლის აგვისტოს ომზე სტრასბურგის გადაწყვეტილება კონფლიქტით დაზარალებული მოქალაქეების უფლებების დაცვისთვის უმნიშვნელოვანესი ინსტრუმენტია. მისივე თქმით, დეტალურ ინფორმაციას გადაწყვეტილებასთან დაკავშირებით მოგვიანებით გაავრცელებს.

"ვულოცავ ჩვენ ქვეყანას ევროპის ყველაზე სამართლიანი მსაჯულის მიერ რუსეთის მხრიდან საქართველოს მოქალაქეების უფლებების უხეში დარღვევის ფაქტების აღიარებას! ეს გადაწყვეტილება იქნება კონფლიქტით დაზარალებული ჩვენი თანამოქალაქეების უფლებების დაცვისთვის უმნიშვნელოვანესი ინსტრუმენტი!" — წერს ლომჯარია ფეისბუქზე.

ადამიანის უფლებათა ევროპული სასამართლოს დიდმა პალატამ აგვისტოს 2008 წლის ომზე საქართველოს ძირითადი სარჩელი დააკმაყოფილა. სასამართლოს დიდმა პალატამ, ომის დროს საქართველოს მოქალაქეთა მკვლელობების გამოუძიებლობისთვის რუსეთის პასუხისმგებლობა დაადგინა.

საქართველოს იუსტიციის სამინისტროს განცხადებით, ამ და სხვა დარღვევების აღიარებით, 2008 წლის აგვისტოს ომის დროს რუსეთის მიერ ქართველების წინააღმდეგ განხორციელებული ეთნიკური წმენდა დასტურდება.

გაიგეთ მეტი: