გერმანიის კანცლერს, ანგელა მერკელს ქვეყანაში ლოქდაუნის 15 თებერვლამდე გახანგრძლივება სურს. ამის შესახებ ინფორმაციას Reuters ავრცელებს.

მედიის ცნობით, მიზეზი კორონავირუსის გავრცელების პრევენციაა. მერკელი დღეს ფედერალური შტატების პრემიერმინისტრებს შეხვდება, სადაც საკარანტინე ზომების შესახებ იმსჯელებენ. გერმანიაში შეზღუდვების შედეგად სკოლები, მაღაზიები და სხვადასხვა დაწესებულებები დაკეტილია.

გამოცემის ინფორმაციით, მერკელს, ასევე, სურს, რომ სამედიცინო ნიღბების ტარება, როგორც საჯარო ტრანსპორტში, ასევე, მაღაზიებში სავალდებულო გახადოს.