ინფრასტრუქტურის მინისტრის, მაია ცქიტიშვილის განცხადებით, ირაკლი კობახიძის კანდიდატურის წარდგენა ქართული ოცნების თავმჯდომარის პოზიციაზე გასაგები და ბუნებრივია.

"ირაკლის არჩევანი პარტიის თავმჯდომარის პოზიციაზე არის საკმაოდ გასაგები და ბუნებრივი. ბატონ კახის აქვს ძალიან დიდი როლი, პირველ რიგში, ქალაქის მერია, როგორც მოგეხსენებათ, ასევე, პარტიის გენერალური მდივანია, შესაბამისად ირაკლი კობახიძის არჩევა ამ პოზიცია ჩემთვის იყო ბუნებრივი გაგრძელება ირაკლი კობახიძის როლის პარტიის ინსტიტუციური მოწყობის და მშენებლობის პროცესში", — განაცხადა ცქიტიშვილმა.

მას შემდეგ, რაც დღეს დილით ბიძინა ივანიშვილმა განაცხადა, რომ პოლიტიკიდან მიდის, ქართულმა ოცნებამ პარტიის თავმჯდომარის პოზიციაზე ირაკლი კობახიძის კანდიდატურა წარადგინა. პარტიის ყრილობა შაბათს, 16 იანვარს გაიმართება.