აშშ-ის მოქმედი პრეზიდენტის, დონალდ ტრამპის ტვიტერის ანგარიში 12 სააათით დაიბლოკა. CNN-ის ინფორმაციით, კომპანიაში განაცხადეს, რომ მიზეზი სამომხარებლო წესების დარღვევა და ძალადობის წამახალისებელი ტვიტებია. მათივე თქმით, თუ ტრამპი აღნიშნულ პოსტებს არ წაშლის, ანგარიშს განმეორებით დაბლოკავენ.

ეს პირველი ე.წ. სანქცია არ არის, რომელიც Twitter-მა დღეს ტრამპის წინააღმდეგ გამოიყენა. ამას წინ უძღოდა პოსტების მონიშვნა ძალადობის რისკის შემცველად, ინტერეაქციის შეზღუდვა და მათი წაშლა. იგივე პოსტები გაქრა ტრამპის Facebook-ის ანგარიშიდანაც, თუმცა კომპანიას ჯერ ოფიციალური განცხადება არ გაუვრცელებია.

წაშლილი პოსტებიდან ერთ-ერთი ტრამპი მხარდამჭერებს, მათ შორის კაპიტოლიუმში შეჭრილებს "განსაკუთრებულს" უწოდებდა და ამბობდა, რომ ისინი უყვარს. მეორეში კი მათ საქციელს ამართლდება და აცხადებდა, რომ ასე იქცევიან ადამიანები, რომლებსაც არჩევნები წაართვეს. ტრამპის ეს განცხადებები ძალადობის წახალისებად შეფასდა.

მოგვიანებით ცნობილი გახდა, რომ დონალდ ტრამპის ანგარიშები დაიბლოკა ფეისბუქსა და ინსტაგრამზეც.

ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაპირისპირებაში გადაიზარდა. დემონსტრანტებმა ბარიერი გაარღვიეს და შენობაში შეიჭრნენ. კონგრესში ევაკუაცია გამოცხადდა, ქალაქში კი კომენდანტის საათი.

შეწყდა სხდომა, რომელზეც არჩევნების შედეგები უნდა დაემტკიცებინათ. სწორედ ამას აპროტესტებდნენ ტრამპის მხარდამჭერები, რადგან მოქმედ პრეზიდენტს სჯერა, რომ მან გაიმარჯვა და არჩევნები გაყალბდა.

ამ ეტაპზე ვრცელდება ინფორმაცია ერთ დაჭრილ მოქალაქესა და რამდენიმე დაშავებულ პოლიციელზე.

გაიგეთ მეტი: