ლა ლა ლენდი, რომელმაც ოსკარის 14 ნომინაცია დაიმსახურა, გამოსვლის დღიდან განხილვის მთავარი თემა გახდა.

რეჟისორ დემიენ შაზელი არასდროს უარყოფდა, რომ მისი ინსპირაცია ლა ლა ლენდის შექმნის დროს კლასიკური ფილმები: Singin' in the Rain, Top Hat, An American in Paris , The Umbrellas of Cherbourg, Swing Time და სხვა მიუზიკლები იყო, პირიქით, მან ფილმი სწორედ კლასიკურ ჰოლივუდს მიუძღვნა.

ლა ლა ლენდში ჩვენ ვხვდებით პირდაპირ ციტატებს ჟაკ დემის, ვინსენტ მინელისა და სხვა რეჟისორების ფილმებიდან, კინოს მოყვარული კი სწორედ ამ გამოძახილებს მიჰყავს 14 ნომინაციაზე წარდგენილ ფილმთან.

ლა ლა ლენდი მნიშვნელოვანი ნამუშევარია ოცნებას გადაჩვეული მაყურებლისთვისაც. ასე რომ, თუ მოგეწონათ ლა ლა ლენდი, მაშინ აუცილებლად ჩაჰყევით სიას და უყურეთ ფილმებს, რომლებიც ასევე მოგეწონებათ.

გოგოები როშფორიდან (1967 წელი)

უესთსაიდური ისტორია (1962 წელი)

დაანებე თავი გოგონას (1953 წელი)

შერბურის ქოლგები (1964 წელი)

ცილინდრი (1935 წელი)

სვინგის დრო (1936 წელი)

საყვარელი ჩერითი (1969 წელი)

ბროდვეის მელოდია (1938 წელი)

წვიმაში მომღერალი (1952 წელი)

მოდით ვიცეკვოთ (1937 წელი)

ამერიკელი პარიზში (1951 წელი)

შეგახსენებთ, რომ ლა ლა ლენდი ოსკარის 14 ნომინაციით გაუტოლდა ფილმებს ტიტანიკი და ყველაფერი ევას შესახებ. ამერიკის კინოაკადემიის დაჯილდოების ცერემონიალი 26 თებერვალს, ღამის 2 საათზე დაიწყება და მას პირდაპირ ეთერში ტელეკომპანია GDS შემოგვთავაზებს.