ირანელი მსახიობი ტარანე ალიდუსტი, რომელიც ოსკარზე ნომინირებულ ფილმში The Salesman ერთ-ერთ როლს ასრულებს, დაჯილდოების ცერემონიას არ დაესწრება.

როგორც The Huffington Post წერს, მსახიობის პროტესტი აშშ-ის ახალი პრეზიდენტის, დონალდ ტრამპის გადაწყვეტილებას უკავშირდება, რომელმაც მუსლიმურ ქვეყნებს ვიზების გაცემა შეუჩერა.

მსახიობმა ინფორმაცია ამის შესახებ საკუთარი ინსტაგრამის გვერდზე გამოაქვეყნა.

"ტრამპმა ირანის მოქალაქეებისთვის ვიზების გაცემა აკრძალა. არ აქვს მნიშვნელობა რასისტულია ეს ღონისძიება თუ კულტურული. პროტესტის ნიშნად 2017 წლის ოსკარს არ დავესწრები", - წერს ტარანე ალიდუსტი.

ოსკარი 2017 ტელეკომპანია GDS-ზე 26 თებერვალს, ღამის 2 საათზე წითელი ხალიჩიდან დაიწყება, 05:30 -ზე კი ოსკარის რიგით 89-ე დაჯილდოების ცერემონიას შემოგვთავაზებენ.