კანადის ქალაქ ალბერტადან ხანძრის გამო ევაკუირებული მოქალაქეებს სახლებში დაბრუნების უფლება შესაძლოა 1 ივნისს მისცენ. ამ დროისთვის სულ 90 ათასი ადამიანს მოუხდა საცხოვრებელი სახლის დატოვება. ამის შესახებ Reuters იუწყება.

ოფიციალური მონაცემებით, დაბინძურებული ჰაერი ადამიანებისთვის ისევ სერიოზულ საფრთხეს წარმოადგენს, მაგრამ ქალაქის პრემიერ მინისტრის ცნობით, იმ შემთხვევაში თუ უსაფრთხოების ყველა ზომა დაცული იქნება, ადგილობრივებს ალბერტაში დაბრუნება 1 ივნისიდან შეეძლებათ. თუმცა, მისი განმარტებით, მოსახლეობის ის ნაწილი, რომელსაც ჯანმრთელობასთან დაკავშირებული პრობლემები აქვს ან ორსულადაა, ქალაქში ჯერ არ უნდა დაბრუნდეს.

გასულ ოთხშაბათს ალბერტაში გაჩენილი ცეცხლის გარკვეულ ტერიტორიაზე ლოკალიზება მოხერხდა, თუმცა მოსახლეობა მაინც გააფრთხილეს, რომ მანამ, სანამ ელექტრო გაყვანილობა და სხვა მნიშვნელოვანი მომსახურებები არ აღდგებოდა, არ დაბრუნებულიყვნენ ქალაქში. ამ კვირაში კი ცეცხლის ალი ისევ ქალაქის მიმართულებით გავრცელდა, თუმცა სახანძრო სამსახურს მომდევნო დღეებში ნოტიო ამინდის იმედი აქვს.

კანადაში, ალბერტაში მდებარე ქალაქ ფორტ მაკმიურეიში, 3 მაისს გაჩენილმა ხანძარმა საცხოვრებელი სახლები და სხვა დანიშნულების მქონე შენობები დაწვა. ამასთან, ხანძრის მიზეზით, ქალაქიდან 90 ათასი მოქალაქის ევაკუირება გახდა საჭირო.