ოსკარის ნომინანტთა სიაში, რომელიც აკადემიამ რამდენიმე დღის წინ გამოაქვეყნა, დემიან შაზელის ლა ლა ლენდმა ტიტანიკისა და ყველაფერი ევას შესახებ რეკორდი გაიმეორა და 14 ნომინაცია მიიღო.

რეჟისორი ყოველთვის აღნიშნავდა, რომ ამ ფილმის გადაღებების დროს მისი ინსპირაცია იყო კლასიკური ნამუშევრები: Singin' in the Rain, Top Hat, An American in Paris , The Umbrellas of Cherbourg, Swing Time და ა.შ

აღსანიშნავია ისიც, რომ ფილმი 2015 წელს რვა კვირაში გადაიღეს და მასში ემა სტოუნის [მთავარი როლის შემსრულებელი] კარიერის რეალური ისტორიის დეტალებია გამოყენებული.

სანამ ემა სტოუნს ლა ლა ლენდში მთავარ როლზე დაამტკიცებდნენ, მანამდე მის ადგილზე ემა უოტსონი მოიაზრებოდა, თუმცა უთანხმოების გამო მან მიას როლზე უარი თქვა და ფილმში ლამაზმანი და ურჩხული გადაინაცვლა. მანამდე კი რაიან გოსლინგმა სწორედ ლა ლა ლენდის გამო თქვა უარი დისნეის ახალ ნამუშევარში მონაწილეობაზე.

ლა ლა ლენდი აღმოჩნდა პირველი ფილმი ისტორიაში, რომელმაც ოქროს გლობუსზე ისეთი ფილმები დაჩრდილა, როგორებიცაა ვიღაცამ გუგულის ბუდეს გადაუფრინა და შუაღამის ექსპრესი. შაზელის ფილმმა შვიდი ნომინაციიდან შვიდივე ოქროს გლობუსი მიიღო.

რაიან გოსლინგი კვირაში ექვსი დღე სწავლობდა პიანინოზე დაკვრას იმისათვის, რომ ფილმში თავად დაეკრა და არა დუბლიორს.

ფოტო: Los Angeles Time

ლა ლა ლენდი გოსლინგისა და სტოუნის მესამე ერთობლივი პროექტია, მანამდე ისინი ერთად თამაშობდნენ Crazy, Stupid, Love-ში 2011 წელს და Gangster Squad-ში 2013 წელს.

თუ ფილმი უკვე ნახეთ, გემახსოვრებათ მისი დასაწყისი, რომელიც ოქროს გლობუსის დაჯილდოების ცერემონიალის ინსპირაცია გახდა.

დემენ შაზელმა ემა სტოუნის როლზე დამტკიცება მას შემდეგ გადაწყვიტა, რაც მისი შესრულება ბროდვეის სცენაზე მიუზიკლ კაბარეში იხილა.

ლა ლა ლენდის გადაღება $30 მილიონი დაჯდა, ამ ეტაპზე კი მისი შემოსავალი უკვე $176 მილიონია.

შაზელის მიუზიკლი ჯერ კიდევ გადის საქართველოს კინოთეატრებში, ასე რომ თუ ჯერ არ გინახავთ, დროა საკუთარი თვალით იხილოთ, რითი დაიმსახურა სიყვარულისა და ოცნებების შესახებ ისტორიამ შვიდი ოქროს გლობუსი და ოსკარის 14 ნომინაცია.

ოსკარს უნდა ჩაუჯდეთ ტელეკომპანია GDS-ზე, 26 თებერვალს, ღამის 2 საათიდან, სწორედ ამ დროს დაიწყება წითელი ხალიჩა, 05:30 საათიდან კი ოსკარის რიგით 89-ე დაჯილდოების ცერემონია.