გირჩის ერთ-ერთი ლიდერი, ვახტანგ მეგრელიშვილი ამბობს, რომ პოლიციამ ორი ჯარიმა გამოუწერა: ერთი 9 საათის შემდეგ გადაადგილების შეზღუდვის დარღვევის, ხოლო მეორე მართვის უფლების ქონების გამო.

"ცოტა ხნის წინ ვიყავი კავკასიის ეთერში, სადაც ვსაუბრობდი პოლიტიკურ თემებზე. არასდროს არ ვიღებთ 9 საათის შემდეგ სიარულის საშვებს, ახლაც არ ამიღია, ჩემი პრობლემები მქონდა შსს-სთან, ბიუროკრატიული. აი, ახლა, ამ დროს, პატრულმა გამომიწერა 2000 ლარიანი ჯარიმა, მეორე არის 500-ლარიანი, რომელიც, ასევე, გამომიწერა, მართვის უფლების არ ქონის გამო. 3 წელია მართვის უფლება არ მაქვს, მაგრამ ამ შემთხვევაში მნიშვნელობა არ აქვს. პოლიციამ ახლა აღმოაჩინა ბანდიტი, რომელიც დააჯარიმა 2500 ლარით", — ამბობს მეგრელიშვილი.

საკოორდინაციო საბჭოს გადაწყვეტილებით, საქართველოში მოქმედებს რამდენიმე შეზღუდვა, მათ შორის, ღამის 9 საათის შემდეგ გადაადგილების შეზღუდვა და აღნიშნულის დამრღვევი პირისთვის ჯარიმად 2000 ლარია გათვალისწინებული.