ნაციონალური მოძრაობის ერთ-ერთი ლიდერის, ხატია დეკანოიძის განცხადებით, ხელისუფლებისა და ოპოზიციის წარმომადგენლებს შორის მოლაპარეკებების მე-5 რაუნდზე განსაკუთრებული პოზიტიური მოლოდინი არ აქვს, თუმცა თუ საერთაშორისო პარტნიორები ჩათვლიან, რომ ინფორმაციის გაცვლა აუცილებელია, ისინი მონაწილეობას მიიღებენ.

"განსაკუთრებული პოზიტიური მოლოდინი არ მაქვს იმ ფონზე, რასაც ახლა ქართული ოცნება კადრულობს და აკეთებს — შანტაჟი, მუქარა, მაგრამ თუ ჩვენი საერთაშორისო პარტნიორები ჩათვლიან, რომ რაღაც კონტექსტში ინფორმაციის გაცვლა აუცილებელია, ჩვენ მივიღებთ მონაწილეობას", — განაცხადა დეკანოიძემ.

11 დეკემბერს საქართველოს მე-10 მოწვევის პარლამენტი ერთპარტიულად შეიკრიბა. სხდომას მხოლოდ ქართული ოცნების დეპუტატები ესწრებოდნენ. სხდომის პარალეურად, ოპოზიციის ნაწილი მოსწავლე ახალგაზრდობის სასახლის ეზოში შეიკრიბა და განცხადებას მოაწერა ხელი, რომლითაც მანდატებზე უარი თქვა.