ჯანდაცვის მინისტრის, ეკატერინე ტიკარაძის განცხადებით, ჟურნალისტების მხრიდან მის ოჯახზე წნეხი და ზეწოლა ხორციელდება.

"მაშინ, როცა ქვეყანაში ასეთი ვითარებაა, ჩემს ოჯახზე ხორციელდება წნეხი და ძალადობა გარკვეული ჟურნალიsტების მხრიდან, რასაც ვთვლი, რომ არასწორია. ვიაზრებ, რომ ვარ საჯარო პირი და ჩემ მიმართ დასმული ნებისმიერი კითხვა უნდა იქნეს პასუხგაცემული, მაგრამ როცა ეს ეხება ჩემს შვილებს, ეს არის დასაგმობი და დაუშვებელი. დღესაც მიმდინარეობს ჩემს ოჯახზე ზეწოლა. საკმაოდ რთული პერიოდი მაქვს, გარდაცვლილია ოჯახის წევრი, არ ერიდებიან ჟურნალისტები და აგრძელებენ მორალურ ზეწოლას", — განაცხადა ეკატერინე ტიკარაძემ.

ტიკარაძის განმარტებით, პატივს სცემს ჟურნალისტების სიტყვის თავისუფლებას, მაგრამ ის, რაც დღესდღეობით მიმდინარეობს, დასაგმობია.