დაავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილემ მეცნიერების დარგში, პაატა იმნაძემ განაცხადა, რომ კორონავირუსის გამო შეზღუდვების გამკაცრების შემდეგ ინფიცირებულთა ნაკლებ რიცხვს არ ელოდებიან, უბრალოდ, მათი რიცხვი აღარ მოიმატებს.

"აღარ გაიზრდება დაავადების შემთხვევები, ოღონდ ეს არ მოხდება ერთ დღეში და ორ დღეში. ამას ფორმულები აქვს თავისი, როგორ უნდა იყოს ტესტირება. დავიწყეთ 200 ტესტიდან და ავედით 12 000 ტესტზე. გამოჩნდა რამდენიმე სწრაფი ტესტი, რომელიც პრაქტიკულად ანაცვლებს პისიარ კვლევას, თან სწრაფად იძლევა პასუხს. ჩვენი ძალისხმევა იქითკენ იქნება მიმართული, რომ გაფართოვდეს ანტიგენის გამოყენება", — განაცხადა პაატა იმნაძემ.