პარლამენტის ვიცე-სპიკერის, გია ვოლსკის განცხადებით, მთავრობის ადმინისტრაციის უფროსის, ნათია მეზვრიშვილის თანამდებობიდან წასვლა გიორგი გახარიას ვერ დაასუსტებს.

"გახარია სგარშემო, ჩვენს გარშემო გუნდია და საკმაოდ ძლიერი და კარგი ფიგურები არსებობენ. რაც შეეხება თავად ნათიას, კარგი მუშაკი იყო, ყოველთვის გამორჩეული თავისი პრინციპულობით, პოზიციით და განაცხადებს, ალბათ, მომავალში. მე ნამდვილად ვერ დაგიდასტურებთ, ნამდვილად არ მაქვს ინფორმაცია. რაც შეეხება, რა დაასუსტებს ახლა გიორგი გახარიას, ეს ვერ დაასუსტებს იმიტომ, რომ მთავრობის აპარატში, სისტემაში საკმაოდ ბევრი ადამიანი მუშაობს[...]", — განაცხადა ვოლსკიმ.

მთავრობის ადმინსიტრაციის ხელმძღვანელმა, ნათია მეზვრიშვილმა დღეს განაცხადა, რომ თანამდებობა დატოვა. ინფორმაცია On.ge-ს ადმინისტრაციაში დაუდასტურეს.

მეზვრიშვილმა ფეისბუქგვერდზე გამოსამშვიდობებელი პოსტი დაწერა, სადაც მადლობა გადაუხადა ყველას, თუმცა გამორჩეული მადლიერება პრემიერმინისტრ, გიორგი გახარიას მიმართ გამოხატა.