ოპოზიციის ლიდერები ამ წუთებში ამერიკის სახელმწიფო დეპარტამნეტის ევრაზიისა და ევროპის განყოფილების ხელმძღვანელს, ფილიპ რიკერს ხვდებიან. როგორც დეპარტამენტში გამართულ პრესკონფერენციაზე განაცხადეს ამერიკის სახელმწიფო მდივანმა, მაიკ პომპეომ ოპოზიციურ პარტიებთან და არასამთავრობოებთან შესახვედრად მისი წარმომადგენელი დატოვა.

როგორც ცნობილია, შეხვედრაზე უკვე მივიდნენ ოპოზიციური პარტიების ლიდერები, მათ შორის, ერვოპული საქართველოდან დავით ბაქრაძე, ენმ-ძალა ერთობაშიადან გრიგოლ ვაშაძე. იქ იმყოფებიან, ასევე, სტრატეგია აღმაშენებლისა და პარტია მოქალაქეების ლიდერები, გიორგი ვაშაძე და ალეკო ელისაშვილი. ამასთან, პარტია გირჩი და ლელო, რომელთაგან შეხვედრაზე მივიდნენ ბადრი ჯაფარიძე და ზურაბ ჯაფარიძე. იქ, ასევე, იმყოფებიან პატრიოტთა ალიანსის ლიდერი, ირმა ინაშვილი და ლეიბორისტული პარტიის ლიდერი, შალვა ნათელაშვილი.

საპარლამენტო არჩევნები საქართველოში 31 ოქტომბერს ჩატარდა. ოპოზიცია შედეგებს არ აღიარებს და ბოიკოტის რეჟიმშია — ისინი პარლამენტში არ შედიან. გუშინ საქართველოს ამერიკის სახელმწიფო მდივანი, მაიკ პომპეო ეწვია, მან ხელისუფლების წარმომადგენლებთან, სამოქალაქო სექტორთან და პატრიარქთან შეხვედრები გამართა. პარალელურად მიმდინარეობდა ოპოზიციის მდუმარე აქციაც.