ამერიკის შეერთებული შტატების სახელმწიფო მდივანი, მაიკ პომპეო საქართველოში ვიზიტთან დაკავშირებით განცხადებას twitter-ზე აქვეყნებს.

"ძალიან მოხარული ვარ საქართველოს პრემიერმინისტრთან, გიორგი გახარიასთან და საგარეო საქმეთა მინისტრთან, დავით ზალკალიანთან შეხვედრის გამო, რათა გვესაუბრა თავისუფალი, სამართლიანი და გამჭვირვალე არჩევნების ჩატარების მნიშვნელობაზე. მე განმეორებით დავადასტურე საქართველოს დამოუკიდებლობის მტკიცე მხარდაჭერა რუსეთის ოკუპაციის ფონზე", — ნათქვამია განცხადებაში.

საპარლამენტო არჩევნები საქართველოში 31 ოქტომბერს ჩატარდა. ოპოზიცია შედეგებს არ აღიარებს და ბოიკოტის რეჟიმშია — ისინი პარლამენტში არ შედიან. გუშინ საქართველოს ამერიკის სახელმწიფო მდივანი, მაიკ პომპეო ეწვია, მან ხელისუფლების წარმომადგენლებთან, სამოქალაქო სექტორთან და პატრიარქთან შეხვედრები გამართა. პარალელურად მიმდინარეობდა ოპოზიციის მდუმარე აქციაც.