თურქეთში ვიზიტის დროს აშშ-ს სახელმწიფო მდივანი, მაიკ პომპეო პრეზიდენტ რეჯეფ თაიფ ერდოღანსა და თურქეთის მთავრობის სხვა წევრებს არ შეხვდება. ინფორმაციას ამის შესახებ Bloomberg ავრცელებს.

როგორც ოფიციალურ განცხადებებაშია ნათქვამია, პომპეო ყურადღებას რელიგიური თავისუფლების საკითხებზე გაამახვილებს. ის სტამბოლში რელიგიურ მოღვაწეებს, მათ შორის მსოფლიო პატრიარქს ბართლომე პირველს შეხვდება, თუმცა ანკარაში არ გაემგზავრება.

თურქეთის საგარეო საქმეთა სამინისტრომ აღნიშნულ შეხვედრებს უადგილო ჩარევა უწოდა და ქვეყანაში რწმენის თავისუფლებას გაუსვეს ხაზი. სახელმწიფო დეპარტამენტის ოფიციალური პირის თქმით, პომპეოს მარშრუტი არ ასახავს თურქეთის მთავრობის უარს შეხვედრაზე.

Bloomberg-ის ინფორმაციით, თურქი სახელმწიფო მოხელე, რომელმაც სახელის გამხელა არ ისურვა, სულ სხვა ისტორია მოყვა. გამოცემა წერს, რომ პომპეომ უარი თქვა თურქეთის საგარეო საქმეთა მინისტრის, მევლუთ ჩავუშოღლუს ანკარაში მიწვევაზე და ამის ნაცვლად შესთავაზა, სტამბოლში ჩასულიყო შესახვედრად. Bloomberg-ის ცნობით, საგარეო უწყებაში აღნიშნულ ინფორმაციაზე კომენტარს არ აკეთებენ.