ეროვნულ-დემოკრატიული ინსტიტუტის (NDI) უახლესი გამოკითხვის შედეგებით, გამოკითხულთა 66 პროცენტი თავს დაუსაქმებლად მიიჩნევს, ხოლო 34 პროცენტი - დასაქმებულად. მნიშვნელოვანია ის გარემოება, რომ 2011 წლიდან დღემდე, ეს მაჩვენებელი თითქმის არ იცვლება.

როგორც კვლევაშია განმარტებული, მოქალაქეებს ჰკითხეს, თვლით თუ არა თავს დასაქმებულად? დასაქმებულად იგულისხმება ნახევარი, ან სრული განაკვეთის თანამშრომელი, თვითდასაქმებული, ოფიციალური ან არაოფიციალური თანამშრომელი, თვითდასაქმებული, მთავარია თქვენს საქმეს შემოჰქონდეს შემოსავალი.

დღეს, 16 იანვარს, ეროვნულ-დემოკრატიული ინსტიტუტი (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების პირველ ნაწილის წარდგენა დაიწყო. პრეზენტაციაზე წარმოდგენილი არის ქვეყნის განვითარების კურსთან, საგარეო პოლიტიკასთან, ადგილობრივ თვითმმართველობასთან და ქალების პოლიტიკურ ჩართულობასთან დაკავშირებული მიგნებები.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3 141 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.