ამერიკის პრეზიდენტად არჩეული დონალდ ტრამპი Wall Street Journal-თან საუბრისას აცხადებს, რომ ის წინააღმდეგი არაა რუსეთის მიმართ ახლახან დაწესებული სანქციები მოხსნას.

სანქციები 2016 წლის ბოლოს ობამამ დააწესა, რუსეთის და მისი პრეზიდენტი ვლადიმერ პუტინის ამერიკის საპრეზიდენტო არჩევნებში ჩარევის გამო, და 35 რუსი დიპლომატი აშშ-დან გააძევა.

ტრამპი აცხადებს, რომ ის რუსეთს მოუხსნის სანქციებს, თუ პუტინი მას ანტიტერორისტულ ინიციატივებსა და სხვა საქმეებში მხარდაჭერას გამოუცხადებს, თუმცა ის დასძენს, რომ ობამას დაწესებულ სანქციებს ცოტა ხნით შეინარჩუნებს.

"თუ ერთმანეთს გავუგებთ და თუ რუსეთი ნამდვილად დაგვეხმარება, რატომ უნდა დავუწესოთ სანქციები მას, ვინც დიდებულ საქმეებს აკეთებს?"

ტრამპი ასევე დასძენს, რომ ის მზადაა ინაუგურაციის შემდეგ პუტინს შეხვდეს.

ამერიკის 43-ე პრეზიდენტად არჩეული დონალდ ტრამპის ინაუგურაცია 20 იანვარს გაიმართება.