ამერიკის შეერთებულმა შტატებმა, საპრეზიდენტო არჩევნებში სავარაუდო ჩარევის გამო, 35 რუსი დიპლომატი გამოაძევა. ინფორმაციას ამის შესახებ BBC ავრცელებს.

დაიხურება ორი უწყება მერილენდსა და ნიუ იორკში, რომელთაც რუსი დიპლომატები სადაზვერვო ინფორმაციის შეგროვებისთვის იყენებდნენ.

პრეზიდენტმა ბარაკ ობამამ პირობა დადო, რომ იმოქმედებდა რუსეთის წინააღდეგ. თუმცა მოსკოვი ბრალდებებს არ აღიარებს.

აშშ-ის სახელმწიფო დეპარტამენტმა 35 რუსი დიპლომატი პერსონა ნონ-გრატად გამოაცხადა და ამერიკის ტერიტორიის დასატოვებლად 72 საათი მისცა.

რუსეთის მთავრობა, სავარაუდოდ იგივე ნაბიჯს გადადგამს და ამერიკელ დიპლომატებს დაატოვებინებს ქვეყანას.

სანქციები დაუწესდა 9 ორგანიზაციასა და ინდივიდს, მათ შორის, GRU-სა და FSB-ს, რუსულ სადაზვერვო სააგენტოებს.

პრეზიდენტმა ობამამ განაცხადა, რომ "ყველა ამერიკელი შეშფოთებული უნდა იყოს რუსეთის ქმედებებით." ობამას თქმით, პასუხი არის "აუცილებელი და ადეკვატური იმ ქმედებებისა, რომლებიც აშშ-ის ინტერესების დაზიანებას ითვალისწინებს."