ევროპული საქართველოს ერთ-ერთი ლიდერის, გიგი უგულავას განცხადებით, უარს ამბობენ პარლამენტში შესვლაზე, რადგან მანდატებზე დათანხმება ქართულ ოცნებაში შესვლას ნიშნავს.

"გაყალბებულ პარლამენტში შესვლა ნიშნავს არა პარლამენტში, არამედ ქართულ ოცნებაში შესვლას. ამიტომ, ჩვენი გადაწყვეტილებაა სრული ბოიკოტი გამოვუცხადოთ პარლამენტს. იმიტომ რომ ეს პარლამენტი არ ასახავს ქართველი ხალხის ნებას", — აცხადებს გიგი უგულავა.

ის, ასევე, აქციების გაგრძელებას აანონსებს. მისი თქმით, ევროპული საქართველო არ ცნობს არჩევნების შედეგებს და აგრძელებს აქციებს კვირას, სამი საათიდან.