ქართული ოცნების აღმასრულებელი მდივნის, ირაკლი კობახიძის განცხადებით, ბოლოდროინდელმა მოვლენებმა გარკვეული ნეგატიური დინამიკა აჩვენა, თორემ არჩევნები რომ თვენახევრის წინ ჩატარებულიყო, 60-პროცენტიანი შედეგი აბსოლუტურად რეალური იქნებოდა.

"ბოლოდროინდელ მოვლენებს შორის იყო პანდემია — ინფიცირების შემთხვევები არის გაზრდილი, გარდა ამისა, იცით, რომ ეკონომიკური მდგომარეობაც მცირდება, ასევე, სოციალური მდგომარეობა. ესეც ახდენდა გარკვეულ გავლენას არჩევნების დინამიკაზე, მხარდაჭერის დინამიკაზე", — განაცხადა ირაკლი კობახიძემ.

2020 წლის საპარლამენტო არჩევნების შესახებ

31 ოქტომბერს, საქართველოს პარლამენტის არჩევნები გაიმართა. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ჩატარდა. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები 20:00 საათზე დაიხურა.

გაიგეთ მეტი არჩევნებზე: