შინაგან საქმეთა სამინისტროს ცნობით, მედია საშუალებებით გავრცელებულ და სადამკვირვებლო ორგანიზაციების მიერ მოწოდებულ ყველა ინფორმაციაზე, რომელიც დანაშაულის ნიშნებს შეიცავდა, გამოძიება დაიწყეს. კერძოდ, შსს-ს ინფორმაციით, გამოძიება დაწყებულია დიდ დიღომში ნაციონალური მოძრაობის აქტივისტის, ზვიად კუპრავას მიმართ განხორციელებულ, ასევე, ისნის, დაშტაფის, ყიზილაჯლოს საარჩევნო უბნებზე მომხდარ ფიზიკურ დაპირისპირებებზე.

"ასევე, ქუთაისში ვაჟა ფშაველას ქუჩაზე, #20-ე საჯარო სკოლაში განთავსებულ 37-ე საარჩევნო უბნის მიმდებარე ტერიტორიაზე, პარტია ლეიბორისტული ქუთაისის მერობის კანდიდატმა, ირაკლი კიკვაძემ განაცხადა, რომ უცნობმა პირებმა მიაყენეს ფიზიკური და სიტყვიერი შეურაცხყოფა. გარდა ამისა, გამოძიება დავიწყეთ ძალდობის ფაქტებზე: ისნის 39-ე; მარნეულის რაიონ სოფელ დაშტაფის 52-ე, სოფელ ყიზილაჯლოს 89-ე საარჩევნო უბნებზე მომხდარ ფიზიკური დაპირისპირების ფაქტებზე", — აცახდებენ შსს-ში.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: