ოპოზიციური პარტია მოქალაქეების ლიდერმა, ალეკო ელისაშვილმა საარჩევნო ხმა მისცა და მის მიერ გაკეთებულ არჩევანზე ღიად ისაუბრა:

"24 ნომერი შემოვხაზე, მიკუბულ-მოკიბულად რომ ლაპარაკობენ ხოლმე, იმას მივეცი ხმა, განვითარებას, არა, უკეთეს საქართველოს მივეცი ხმა და ეს 24 ნომერია ჩემი ღრმა რწმენით, თავად წარმოვადგენ ამ პარტიას. რა თქმა უნდა, მაჟორიტარულ ბიულეტინშიც ჩემს თავს მივეცი ხმა. მე მაქვს ჩემი თავის იმედი და ზუსტად ვიცი, რომ ვიბრძოლებ უკეთესი საბურთალოსთვისაც და უკეთესი საქართველოსთვისაც", — ამბობს ალეკო ელისაშვილი.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: