დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, თითოეულ მოქალაქეს თავიანთ ოჯახის ექიმს გააცნობენ და მათ ტელეფონის ნომერსაც გაუზიარებენ. მინისტრის თქმით, უახლოეს მომავალში ეს ინფორმაცია ვებგვერდზეც დაიდება და მოქალაქეებს ოჯახის ექიმების იდენტიფიცირება საკუთარი პირადი ნომრით შეეძლებათ.

"ვგეგმავთ დავაინდენტიფიციროთ თითოეული მოქალაქე, რომელი ექიმის პატრონაჟის ქვეშ იმყოფება. ამ ექიმს სახელმწიფო უნაზღაურებს პაციენტისთვის გასაწევ მომსახურებას. ალბათ, საიტზეც დაიდება და ყველა მოქალაქეს შეეძლება პირადი ნომრით გაიგოს, ვინ არის მისი ოჯახის ექიმი", — განაცხადა ტიკარაძემ მთავრობის ადმინისტრაციაში გამართულ ბრიფინგზე.

26 ოქტომბერს საქართველოში კორონავირუსის 1 872 ახალი შემთხვევა გამოვლინდა. დღევანდელი სტატისტიკის მიხედვით, ქვეყანაში კიდევ 14 ადამიანი გარდაიცვალა, 603 კი გამოჯანმრთელდა.

პანდემიის დაწყების დღიდან ქვეყანაში კორონავირუსის 30 303 შემთხვევა დაფიქსირდა, მათ შორის მათ შორის 11 370 გამოჯანმრთელდა, ხოლო 215 გარდაიცვალა. ამ დროისთვის, კარანტინის რეჟიმში იმყოფება 3 769, სტაციონარში მეთვალყურეობის ქვეშ — 3 832, ხოლო კოვიდ სასტუმროებში — 2 249.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: