დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, სექტემბრის დასაწყისიდან საქართველო ე.წ. მეორე ტალღის ფაზაში შევიდა, ამიტომ მისი განცხადებით, კორონავირუსის შემთხვევების შემცირება უახლოესი 3-4 კვირის განმავლობაში ვერ მოხდება. ამის შესახებ გამყრელიძემ საკოორდინაციო საბჭოს სხდომის შემდეგ ისაუბრა.

"ქვეყნის მასშტაბით ეპიდსიტუაცია, ისევე, როგორც მსოფლიოს მასშტაბით, უარესდება და ეს იყო პროგნოზირებადი. ჩვენ გვაქვს საკმაოდ ინტენსიური ზრდა შემთხვევების. მიუხედავად იმისა, რომ მთლიანად საქართველო ინფიცირების რაოდენობით ერთ სულ მოსახლეზე ძალიან დაბლა ვართ ევროპულ რუკაზე, შემთხვევების ზრდა იქნება [...] ჩვენ ვცდილობთ, რომ ეს ახალი შემთხვევები ყველა იყოს შესაბამისად მართული", — აღნიშნა გამყრელიძემ.

საქართველოში კორონავირუსის 1 351 ახალი შემთხვევა გამოვლინდა. გამოჯანმრთელდა — 337, გარდაიცვალა — 14.

სულ ქვეყანაში 21 208 შემთხვევაა დაფიქსირებული. ამათგან 9 003 პაციენტი გამოჯანმრთელდა და 172 გარდაიცვალა. კარანტინის რეჟიმშია 4 462 ადამიანი, სტაციონარში მეთვალყურეობის ქვეშ — 3 071; კოვიდ-სასტუმროში მყოფი პირები — 1 772.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: