საქართველოს ექსპრეზიდენტმა მიხეილ სააკაშვილმა, ამომრჩევლებისადმი ვიდეომიმართვისასა განაცხადა, რომ აჭარაში ვირუსი ხელისუფლებამ ხელოვნურად გაავრცელა. მისი მტკიცებით, ტურისტები ინფიცირებული ქვეყნებიდან შემოიყვანეს.

"ჩვენ გვემუქრება ძალიან მძიმე დაავადება, რომელიც აბსოლუტურად ხელოვნურად გაავრცელეს ბათუმში, როდესაც შემოიყვანეს ყველაზე დაავადებული ქვეყნიდან, ხელოვნურად, დიდი რაოდენობით ე.წ დამსვენებლები", — განაცხადა სააკაშვილმა.

ვიდეო ჩართვისას სააკაშვილი ხალხს დაჰპირდა, რომ მომავალში საქართველოს ვერცერთი ვირუსი მოერევა.

"გპირდებით, რომ მომავალში ვერცერთი დაავადება ვეღარ მოგვერევა და ვეღარ შეგვეჩვევა ისე, როგორც შემოგვეპარა და შემოგვეჩვია ბოლო დღეებში ეს კოვიდი. ეს აბსოლუტურად ხელოვნურად კეთდება იმის გამო, რომ ხალხი არ მივიდეს არჩევნებზე", — ასე მიმართა საქართველოს მესამე პრეზიდენტმა ბათუმში შეკრებილ მხარდამჭერებს.

16 ოქტომბრის მონაცემებით, საქართველოში კორონავირუსი 15 327 დადასტურებული შემთხვევაა, მათგან 7 613 უკვე გამოჯანმრთელდა, გარდაიცვალა — 124.

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, კორონავირუსის დღეს დადასტურებული 887 შემთხვევიდან 342 არის აჭარა, 277 — თბილისი, 198 — იმერეთი, სამეგრელო-ზემო სვანეთი — 22, გურია — 11, შიდა ქართლი — 12, ქვემო ქართლი — 3, მცხეთა მთიანი — 10, კახეთი — 7, სამცხე-ჯავახეთი — 3, რაჭა-ლეჩხუმი და ქვემო სვანეთი — 2.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე:

სამეგრელო-ზემო-სვანეთი -22, გურიაში 11, შიდა ქართლი 12, ქვემო ქართლლი 3, მცხეთა მთიანი 10, კახეთი -7. სამცხე-ჯავახეთი -3, რაჭა-ლეჩხუმსა და ქვემო სვანეთში 2