დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის 94-ე საჯარო სკოლაში სწავლება სრულიად დისტანციურ რეჟიმში გაგრძელდება. სკოლაში კორონავირუსის შემთხვევა დაფიქსირდა, თუმცა უცნობია, ვინ არის ინფიცირებული. როგორც განათლების სამინისტროში On.ge-ს განუცხადეს, სამინისტრო წერტილოვან შეზღუდვებს იმ სკოლებში დააწესებს, სადაც ინიფცირების შემთხვევები გამოვლინდება.

"სწორედ დაავადებათა კონტროლის ცენტრის მითითებით, საჭირიებიდან გამომდინარე, თვითიზოლაციაში გადადიან განსაზღვრული პირები, იქნება ეს კლასი, ესა თუ ის სართული, მთლიანად სკოლა და ა.შ. ვისი გადასვლის საჭიროებაც აუცილებელი გახდება. სკოლას უტარდება დეზინფექცია, სწავლა კი დისტანციურ რეჟიმში გაგრძელდება", — განაცხადეს უწყებაში.

14 ოქტომბერს საქართველოში კორონავირუსის 680 ახალი შემთხვევა დაფიქსირდა. მათგან, ყველაზე მეტი, 297 შემთხვევა თბილისში გამოვლინდა.

ჯამში საქართველოში კორონავირუსის სულ 13 521 შემთხვევაა დადასტურებული. აქედან, 7 159 ადამიანი უკვე გამოჯანმრთელდა. კორონავირუსით სულ 109 გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: