ქუთაისის სამ სხვადასხვა ბაგა-ბაღში თანამშრომლებისთვის Covid-19-ის დადასტურების გამო, სასწავლო პროცესი ერთი კვირით გადაიდო. ააიპ ბაგა-ბაღების გაერთიანების ხელმძღვანელი, დავით წიტაიშვილი On.ge-სთან საუბარში განმარტავს, რომ ინფიცირებულების კონტაქტები თვითიზოლაციაში იმყოფებიან.

"კორონავირუსის გარდა, რემონტი გვქონდა, აგრეთვე,და ბაღების ნაწილში სწავლის განახლება ისედაც ვერ მოხერხდებოდა", — ამბობს წიტაიშვილი.

სააღმზრდელო პროცესი ქუთაისის საბავშო ბაღებში 12 ოქტომბერს უნდა დაწყებულიყო. ქუთაისში სულ 37 ბაგა-ბაღია.

დღეს, 10 ოქტომბერს კორონავირუსის 519 დადასტურებული შემთხვევიდან 99 იმერეთში დაფიქსირდა. თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, 222 არის აჭარა, 137 — თბილისი, 31 — ქვემო ქართლი, 10 — გურია, 10 — მცხეთა-მთიანეთი, 7 — შიდა ქართლი, 5 — სამეგრელო-ზემო სვანეთი, 3 — კახეთი, 1 — სამცხე-ჯავახეთი, 4 კი იმპორტირებლია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: