დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144


შინაგან საქმეთა სამინისტროს ცნობით, აჭარის პოლიციის დეპარტამენტის 51 წლის თანამშრომელი, დეტექტივის თანაშემწე-გამომძიებელი ბათუმის რესპუბლიკური საავადმყოფოს ცხელების ცენტრში კორონავირუსით გარდაიცვალა.

"პოლიციის თანამშრომელს კორონავირუსით გამოწვეული Covid-19 მიმდინარე წლის 1 ოქტომბერს დაუდასტურდა, რის შემდეგაც ის ბათუმის რესპუბლიკურ საავადმყოფოში გადიოდა მკურნალობის კურსს. მას თანმდევი დაავადებები ჰქონდა: ფილტვების პნევმონია, გულის იშემიური დაავადებები და შაქრიანი დიაბეტი", — აცხადებენ შსს-ში.

7 ოქტომბერს საქართველოში კორონავირუსით გარდაცვლილთა რიცხვმა ჯამში 63 შეადგინა.

დღეს ქვეყანაში 508 ახალი შემთხვევა დადასტურდა, გამოჯანმრთელდა — 348. სულ კორონავირუსის 9 753 შემთხვევაა დადასტურებული. აქედან, 5 235 ადამიანი უკვე გამოჯანმრთელდა. გარდაიცვალა — 63.

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის თქმით, ინფიცირებულთა განაწილება შემდეგნაირია: აჭარა — 348, თბილისში — 99, იმერეთი 59, სამეგრელო-ზემო სვანეთი — 19, მცხეთა მთიანეთი — 10, დანარჩენ რეგიონში კი ერთეული შემთხვევებია: გურიაში და კახეთში 3-3 შემთხვევა, რაჭა-ლეჩხუმ-ქვემო სვანეთში — 1, შიდა ქართლში — 4, ქვემო ქართლსა და სამცხე ჯავახეთში — 1.

მისივე თქმით, დადასტურდა გარდაცვალების 4 შემთხვევა, აქედან 3 არის აჭარა, ხოლო მეოთხეს შესახებ კი ინფორმაციას არ ფლობს.

სულ კორონავირუსის 9 753 შემთხვევაა დადასტურებული. აქედან, 5 235 ადამიანი უკვე გამოჯანმრთელდა. გარდაიცვალა — 63.

ამ დროისთვის კარანტინის რეჟიმში 5 655 ადამიანი იმყოფება, სტაციონარში მეთვალყურეობის ქვეშ კი — 836. კოვიდ სასტუმროში 1 230 პირი მკურნალობს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: