თანამედროვე ტექნოლოგიის განვითარება არა მხოლოდ ყოველდღიური პრობლემების მარტივად გადაჭრაში გვეხმარება, არამედ ხელს გვიწყობს, ჩვენი შემოქმედების საზღვრები კიდევ უფრო გავაფართოვოთ.

მაგალითად, ფოტოგრაფიაში მაღალი ხარისხის კამერით აღჭურვილმა დრონებმა არაერთ ხელოვანს მისცა საშუალება, რომ ის კადრები აღებეჭდათ, რომლებიც მანამდე სრულიად მოუხელთებელი ჩანდა.

ამ სტატიაში გთავაზობთ დრონით გადაღებული ფოტოების 2020 წლის დაჯილდოების საუკეთესო ნამუშევრებს, რომლებიც 24 ოქტომბრიდან იტალიაში, ქალაქ სიენაში ფოტოფესტივალზე გამოიფინება.

1. სიყვარულით სავსე ბუნება

ფოტო: Jim Picôt

ავსტრალიელი ფოტოგრაფის ჯიმ პიკოტის ამ ფოტოს, რომელიც ახალ სამხრეთ უელსშია გადაღებული და ორაგულების ქარავანში მოცურავე ზვიგენს ასახავს, მთავარი ჯილდო გადაეცა.

2. საპროტესტო აქცია ჰონგ-კონგში

ფოტო: Tugo Cheng

2019 წელს ხელისუფლების მიერ მიღებული გადაწყვეტილებების წინააღმდეგ ქუჩაში ორი მილიონი მოქალაქე გამოვიდა.

3. ყავა თუ ჩაი

ფოტო: Yi Sun

ბრაზილიაში გადაღებული ეს ფოტო ამ ქვეყნის ბუნების მაგიურობაში კიდევ ერთხელ გვარწმუნებს.

4. აფრიკული კამეჩები სახლისკენ მიმავალ გზაზე

ფოტო: Mehmet Aslan

როგორც ამ ფოტოში ვხედავთ, "სახლში" მისასვლელად მათ ტბის გადალახვა უწევთ და კარგადაც გაიწუწებიან.

5. მორწმუნეების შეხვედრა ბანგლადეშში

ფოტო: Azim Khan Ronnie

ფოტოზე ასახულია სამხრეთ აზიაში ბაირამის აღნიშვნის ყველაზე დიდი თავყრილობა .

6. ნეკერჩხლის ჩრდილი გაზაფხულის პირას

ფოტო: Caleb Kenna

სიცოცხლის ხე.

7. ლოცვა ფიზიკური დისტანცირებით

ფოტო: Levent Ates

თურქეთში მორწმუნეები პანდემიის გათვალისწინებით ღვთისმსახურებას უსაფრთხოების წესების დაცვით აღავლენდნენ.

8. ხუთი სეზონი

ფოტო: Ovi D Pop

ეს ჯადოსნური ფოტო რუმინეთშია გადაღებული.

9. წვრილმანების ღმერთი

ფოტო: Trung Pham Huy

ვიეტნამში ადგილობრივები დუმფარებს აგროვებენ.

10. გალაქტიკა წყალში

ფოტო: Ignacio Medem

ერთი შეხედვით კოსმოსში გადაღებულ ფოტოს ჰგავს.

11. კარანტინი იტალიაში

ფოტო: Fabio Muzzi

ამ ფოტოს ავტორს უეს ანდერსონის ფილმებიც ეყვარება.

12. ჩრდილის დევნა

ფოტო: Marek Biegalski

ეს შთამბეჭდავი ფოტო იტალიაში, ტოსკანას რეგიონშია გადაღებული.

13. მიტოვებული

ფოტო: Attila Balogh

ფოტოგრაფმა ჩინეთის ყველაზე დიდი ქალაქის — შანხაის უჩვეულოდ დაცარიელებული ქუჩების ფოტოობიექტივით აღბეჭდვა კარანტინის დროს შეძლო.

14. აფრიკული კამეჩების ნავსაყუდელი

ფოტო: Alex Cao

ვიეტნამში მსგავს ადგილებში კამეცებს ხელოვნურად ანაყოფიერებენ.

15. მდინარის დელტა

ფოტო: Paul Mckenzie

კენიაში მდებარე მდინარე ევუასო-ნგიროს ტოტებად გაშლილი დელტა.

16. რადიოლოკაციური კომპლექსი დუგა

ფოტო: Franco Cappellari

საჰაერო დაბომბვის გამაფრთხილებელი საბჭოთა რადარი ჩერნობილში.

17. მიფრინავენ ფლამინგოები

ფოტო: Thomas Vijayan

კენიაში მდებარე ტურკანის ტბას ფლამინგოები ხშირად სტუმრობენ.

18. ქსოვილების ცისარტყელა

ფოტო: Zay Yar Lin

მიანმარში ადგილობრივები ქსოვილებზე მუშაობისას ნამდვილი ფერების დღესასწაულს აწყობენ.

19. ნავები მდინარე ბურიგანგას პირას

ფოტო: Md Ali Asraf Bhuiyan

არადა, შეიძლება, იფიქრო, რომ მოლუსკებია.

20. მარილის გორაკები

ფოტო: Igor Altuna

ვიეტნამში მარილს აქტიურად მოიპოვებენ.

21. წიწაკის შეგროვება

ფოტო: Azim Khan Ronnie

მწარე კერძების მოყვარულთა სამოთხე.

22. ზღვაზე

ფოტო: Roberto Corinaldesi

რთულია, ამ კადრს თვალი მარტივად მოსწყვიტო.