ევროპარლამენტარ მარკეტა გრეგოროვას განცხადებით, საქართველოში 31 ოქტომბერს ჩასატარებელი საპარლამენტო არჩევნების წინ მას ყველაზე მეტად საგარეო ჩარევის საფრთხე აშინებს. თავისუფალი რუსეთის ფონდის მიერ ორგანიზებულ ონლაინ ღონისძიებაზე ევროპარლამენტარმა განმარტა, რომ არჩევნების დროს უცხო ქვეყნის მხრიდან ჩარევის შემთხვევები მსოფლიოშიც აქტუალურია.

"ეს არჩევნები დემოკრატიის ტესტია ყველასთვის. ყველაზე მეტად რასაც ვშიშობ, ეს არის არჩვენებში საგარეო ჩარევა, რაც ხდება, ზოგადად, მსოფლიოში და დეზონფორმაციას სხვა ფორმები, რომლებიც, სხვათა შორის, შიდა აქტორებიდანაც მოდის", — განაცხადა მარკეტა გრეგოროვას.

მისივე თქმით, მათ შეხვედრები საქართველოში მოქმედ არასამთავრობო ორგანიზაციებთან დეზონფორმაციის საკითხებზე გამართეს და მასთან ბრძოლის ხერხებზე ისაუბრეს.

2020 წლის საპარლამენტო არჩევნები 120/30-ზე მანდატების თანაფარდობით ჩატარდება.